"QazMunaıGaz" Arab kompanıasymen Kaspıı teńizi úshin konteınerlik kemeler salý týraly ýaǵdalasty.

1 mamyrda Ábý-Dabıde (BAÁ) "QazMunaıGaz" basqarma tóraǵasy Asqat Hasenov AD ports Group bas dırektory Muhammed ál Shamısımen kezdesti. Kezdesý barysynda taraptar Transkaspıı halyqaralyq kólik baǵytynda konteınerlik tasymaldaý kóleminiń ósýine baılanysty Kaspıı teńizi úshin konteınerlik kemeler salý jóninde kelissózder júrgizdi.

"AD ports Group eki zamanaýı konteınerlik kemeni salý týraly ınvestısıalyq sheshim qabyldady. Aıta ketý kerek, kemeniń jobasy QMG jáne AD Ports Group – pen birlesip ázirlendi jáne onyń konteınerlik syıymdylyǵy Kaspıı teńizi úshin rekordtyq bolady", - dep habarlaıdy kompanıanyń baspasóz qyzmeti.

QMG men AD Ports Group arasyndaǵy yntymaqtastyq Kaspıı teńizi men ashyq teńizder úshin tanker jáne saýda flotyn damytý, ofshorlyq jobalardy qoldaý úshin flot qurý sıaqty baǵyttardy qamtıdy.