Úkimet otyrysynan keıin ótken brıfıńte Densaýlyq saqtaý mınıstri Aqmaral Álnazarova Shymkent qalasy ákiminiń orynbasary Rýslan Berdenovtiń jaǵdaıyna qatysty pikir bildirdi. Mınıstrdiń aıtýynsha, oq jaraqaty alǵan sheneýnikke tórt saǵat boıy medısınalyq kómek kórsetilip, shuǵyl túrde ota jasalǵan.

“Qazirgi ýaqytta naýqastyń jaǵdaıy turaqty. Ol ózdiginen qozǵala alady. Alaıda dárigerlerdiń baqylaýynda bolady”, – dedi mınıstr Álnazarova.

Berdenovke kim jáne ne úshin oq atty?

Eske salaıyq, buǵan deıin Rýslan Berdenovke qarýly shabýyl jasalǵany habarlanǵan. Oqıǵa ornynan taraǵan beınejazbalar áleýmettik jelide qyzý talqylandy. Resmı málimetke sáıkes, Berdenovke oq atqan adam — onyń burynǵy áriptesi, ıaǵnı ózi basshylyq etken bólimniń qyzmetkeri bolǵan.

Quqyq qorǵaý organdary shabýyldyń sebebin qyzmettik kelispeýshilik bolýy múmkin dep boljaýda. Tergeý amaldary jalǵasyp jatyr.