Búgin qazaq eli belgili etnograf, jazýshy jáne ǵalym Bolat Bopaıulyn aqtyq saparǵa shyǵaryp saldy. 

Qalamgerdiń janaza namady Almatydaǵy Qonaev meshitinde oqyldy.

Janazaǵa kúlli ádebıet súıer qaýym jınalyp, jazýshymen qoshtasty.

 Bolat Bopaıuly 1960 jyly 1 qańtarda Qytaı Halyq Respýblıkasynyń Altaı aımaǵy, Kóktoǵaı aýdanynda dúnıege kelgen. Ol 1986 jyly İle pedagogıkalyq ýnıversıtetiniń qazaq tili men ádebıeti fakúltetin, 1998 jyly ál-Farabı atyndaǵy Qazaq ulttyq ýnıversıtetiniń fılologıa fakúltetiniń qazaq ádebıeti men teorıasy kafedrasynda aspırantýrany támamdaǵan.  

Eńbek jolyn Úrimji qalasynda ustazdyq etýden bastap, «Shyńjań jastar-órender baspasynda» redaktor qyzmetin atqardy. Qazaqstanǵa qonys aýdarǵan soń, etnografıa salasynda tereń zertteýler júrgizip, 30-dan astam kitap jazdy. Onyń eńbekteri qazaq halqynyń salt-dástúrin, dúnıetanymyn, ulttyq bolmysyn zertteýge arnaldy. «Qazaq minezi», «Qazaq kádesi», «Qazaqy tús jorý», «Bastaýdan baqıǵa deıin», «Qazaqtyń gúl mádenıeti», «Qazaq naýryznamasy», «Qazaq aspan esebi» sıaqty eńbekteri ulttyq qundylyqtardy urpaqqa jetkizýde mańyzdy ról atqardy.  

Bolat Bopaıuly – Qazaqstan Jazýshylar odaǵynyń jáne Qazaqstan Jýrnalıser odaǵynyń múshesi, Qazaq ulttyq salt-dástúr, ádet-ǵuryp akademıasynyń akademıgi. Ol «Mádenıet úzdigi» tósbelgisimen marapattalyp, Qazaqstan Respýblıkasynyń qurmetti azamaty atanǵan.  

 Onyń shyǵarmashylyǵy men ǵylymı eńbekteri qazaq mádenıeti men dástúrin zertteýge jáne nasıhattaýǵa zor úles qosty. Bolat Bopaıulynyń mol murasy ult jadynda máńgi saqtalady.   

65 jasynda kóz jumǵan etnograftyń denesi Keńsaı zıratyna jerlendi.