Ol Astana ákimdigine beriletin boldy.

Astanada Ulttyq qaýipsizdik komıtetiniń eks-tóraǵasy Kárim Másimovke tıesili úı áleýmettik maqsatta paıdalaný úshin tárkilendi.

Kompanıanyń málimetinshe, Astana qalasy ákimdiginen bul úıdi áleýmettik qajettilikterdi óteýge berý týraly resmı ótinish túsken.

"Áleýmettik mańyzdylyǵyn jáne zańnama talaptaryn eskere otyryp, bul nysan elektrondyq saýda josparynan alyndy. Nysandy ári qaraı paıdalaný máselesi jergilikti atqarýshy organnyń múddelerin eskere otyryp, belgilengen tártippen sheshiledi", - delingen kompanıa habarlamasynda.

Aıta keteri, Astana qalasy Nura aýdany Qaraótkel shaǵyn aýdany Ereımentaý kóshesi 1-úı mekenjaıynda ornalasqan jertólesi bar turǵyn úı úsh ret satylymǵa shyǵarylǵan bolatyn.

Nysannyń bastapqy baǵasy 1,8 mlrd teńge bolǵan edi.

Záýlim úıdi úsh ret aýksıonǵa shyǵarǵanymen, satyp alýshylar tabylmady.