Shymkent qalasy bilim basqarmasynyń basshysy Gúlnaz Súleımenova jaqynda ótken jınalystardyń birinde muǵalimderden áli kúnge deıin aqsha jınalyp jatqanyna nazar aýdardy.
«Áleýmettik jelini únemi baqylap otyramyn, ári ákimdik tarapynan da osyndaı shaǵymdar túsip jatyr. Qarajat jınaý máselesi áli kúnge deıin toqtamaı keledi. Tipti, qońyraý soǵýǵa deıin aqsha jınap jatqany týraly habarlamalar kelip túsýde. Bul máselege qatań túrde eskertý jasaımyz. Eshqandaı mektepte, alǵashqy ustazdar men muǵalimderge syılyq retinde aqsha jınalmaýy tıis. Bul úshin birinshi basshylar jaýapty bolady», – dep atap ótti Gúlnaz Súleımenova.
