Ótken dúısenbide Avstralıada el úkimeti quramyndaǵy 43 jastaǵy musylman jigit Ed Húzık Premer-mınıstr Kevın Radtyń parlamenttik hatshysy bolyp taǵaıyndalǵanda Quranǵa qol qoıyp ant berdi. «Avstralıanyń Konstıtýsıasyn osylaı buzǵanyń qalaı, biz qashannan beri sharıǵat boıynsha ómir súrýshi edik» degenderge bergen jaýabynda Húzık «musylman dinin ustanýshy bolǵandyǵymnan bul men úshin ádettegi jaǵdaı» dep málimdedi. Ári bul óziniń quqyǵy bolýmen qosa, demokratıanyń bir bólshegi ekendigin aıtyp synshylarynyń aýzyna qum quıdy. 

Osydan oı týady: Qazaqstan musylman eli bola tura bizdegi memleket qyzmetkerleri men depýtattar nege Quranǵa qol qoıyp turyp ant bermeıdi? Ánsheıin ant berý Konstıtýsıanyń negizinde júzege asyrylady. 21 jylda 49 ózgertý engizilgen QR Konstıtýsıasy sybaılas jemqorlyqqa shekteý qoıa almaı tur. Sybaılas jemqorlyqpen ustalǵandardyń bári Konstıtýsıaǵa pysqyrmaıdy. Al 1500 jylda bir árpi ózgermegen Quran memlekettik qyzmetkerlerdi amalsyz adal bolýǵa jeteler edi. Quranmen ant bergen sýdıalar Qudaıdan qorqyp ádil sheshimder shyǵarary sózsiz. Mınıstrlerdiń isine bereket kirer edi. Qoǵam sóıtip saýyǵa túser edi. «Zaıyrly elmiz» desek te memleket dinnen túbegeıli ajyrap kete almaıdy. Sondyqtan dinniń artyqshylyqtaryn nege paıdalanbasqa?

Marat Toqashbevtyń "Feısbýktegi" paraqshasynan alyndy