Atyraý qalalyq qorǵanys isteri basqarmasy bastyǵynyń orynbasary M.Orynbekov para aldy degen kúdikpen ustaldy. Bul týraly Sybaılas jemqorlyqqa qarsy is-qımyl ulttyq búrosynyń baspasóz qyzmetinen habarlady.
«Sybaılas jemqorlyqqa qarsy is-qımyl ulttyq búrosynyń Atyraý oblystyq departamenti Atyraý qalalyq qorǵanys isteri basqarmasy bastyǵynyń orynbasary, kapıtan M.Orynbekov pen mobılızasıalyq josparlaý bóliminiń bastyǵy, kapıtan D.Ospanovty ustady. Laýazymdy tulǵalardyń jeke tulǵadan esepke der ýaqytynda turmaǵany úshin ákimshilik jaýapkershilikke tartpaý jáne áskerge shaqyrý jasynyń ótýine baılanysty áskerı bılet berý úshin 70 myń teńge para alǵany anyqtaldy. Qazirgi ýaqytta M.Orynbekov QR QİJK 128-shi babyna sáıkes Atyraý qalalyq İİB oqshaýlaǵyshyna qamaldy. Sot aldynda tergeý amaldary júrgizilýde», - delingen habarlamada.
