West Texas Intermediate (WTI) munaıynyń baǵasy sársenbide 2003 jyldyń mamyr aıynan beri eń tómengi kórsetkishke tústi, sonyń saldarynan AQSH-taǵy munaıdyń baǵasy sútke qaraǵanda eki ese arzan boldy, - dep habarlaıdy Bloomberg agenttigi.
WTI munaıynyń bir gallonynyń (3,79 l) baǵasy qazirgi ýaqytta Chıkagodaǵy fúcherstik bırjada satylatyn İİİ synypty sút gallonynyń jartysyna teń. Bul munaı úshin 2004 jyldan bergi eń tómengi kórsetkish.
Sársenbi kúni ótken saýda barysynda WTI munaıynyń bir barreliniń baǵasy 26,19 dollarǵa deıin túsken, bul ár gallon úshin 62 sentke sáıkes keledi.
Sút fúchersteri 100 fýnt úshin (fýnt - 453,6 gram) 13,74 dollar deńgeıinde, nemese bir gallon úshin 1,18 dollarǵa satylǵan.
