Búgin Almaty qalasynyń dárigerleri áleýmettik jelilerdi ár túrli tumaý saldarynan oryn alǵan ólim-jitim týraly qaýesetterge baılanysty túsinikteme berdi, - dep habarlaıdy "Qamshy" portaly.
QR Densaýlyq saqtaý jáne áleýmettik damý mınıstrligi Tutynýshylardyń quqyǵyn qorǵaý komıtetiniń Almaty qalasy boıynsha departamentiniń epıdemıologıalyq baqylaý bóliminiń basshysy Almash Ahmetova 2015 jyldyń 10-shy jeltoqsany men 2016 jyldyń 14-shi qańtary aralyǵynda Almatyda A H1N1 tıpti tumaýdy juqtyrýǵa baılanysty 10 oqıǵa tirkelgenin aıtty.
Olardyń jeteýi - eresek azamattar, qalǵany - 14 jasqa deıingi jasóspirimder.
«Eger naýqastar der kezinde dárigerge qaralatyn bolsa, tumaýdy tolyǵymen emdeýge bolady. Áleýmettik jelilerdegi aqparattar shyndyqqa janaspaıdy. Onda mundaı qaıǵyly oqıǵalar qaı elde, qaı qalada bolǵany aıtylmaǵan. Al, Almatyda tumaý saldarynan qaıtys bolýǵa baılanysty eshqandaı oqıǵa tirkelgen joq» - dedi ol.
Aıta ketelik, Almatyda epıdemıologıalyq maýsym bastalǵaly beri 43 myńnan astam adam jedel respıratorlyq-vırýstyq ınfeksıany juqtyrǵan. Bul, buǵan deıingi maýsymmen salystyrǵanda - 7 paıyzǵa joǵary.
Sondaı-aq, Almatyda 2015 jyldyń qazan-qarasha aılarynda 165 myńnan astam adam tumaýǵa qarsy egý jasady.
Mamandardyń aıtýynsha, jedel respıratorlyq-vırýstyq ınfeksıaǵa barynsha kóp shaldyǵý kezeńi osy qańtar aıynyń aıaǵyna týra keledi. Osyǵan baılanysty dárigerler adamdarǵa dál osy kezeńde kópshilik oryndarǵa bara bermeý kerektigin eskertedi.
