Jemqorlyqqa qarsy is-qımyl jónindegi Ulttyq búro qyzmetkerleri Astana qalasynda birqatar jemqorlyq qylmystardyń betin ashty, - dep habarlaıdy «Qamshy» portaly.
Astana qalasy Saryarqa aýdany İİB-niń jedel ýákiletti ókili A. Erejepbaev derekter bazasynan tirkeý málimetterin joıý úshin 195 myń teńge para alý sátinde qolǵa túsken. Ustalǵan polıseı QR QAK-niń 128-babyna saı, ýaqytsha ustaý ızolátoryna qamalǵan.
Sondaı-aq, qala ákimshilik polısıa basqarmasy jol-patrýldik polısıasynyń aǵa ınsektory men ınspektory B. Rahymbekov pen N. Syzdyqov mas kúıinde kólik júrgizgen tártip buzýshydan para alý kezinde ustalǵan.
Sonymen qatar, jemqorlyqpen kúres qyzmetiniń ókilderi Qostanaı oblystyq İİD-i İshki qaýipsizdik basqarmasymen birlesip, ortalyq bazarda saýda jasaýshy azamattan para alǵan jedel ýákiletti ókil B. Tashmuqanovty quryqtaǵan.
