Almatylyq advokat Marat Úsipbekov «Ońaı» elektrondy bılettendirý júıesin qoldanysqa engizip jatqan «Almaty kólik holdıńi» JSHS-nyń ústinen sotqa talap aryz túsirdi, - dep habarlaıdy «Qamshy» portaly.
Shaǵymdanýshy advokat jaýapty tarapty buryn qoldanysta bolǵan qaǵaz jol júrý bıletterin barlyq qoǵamdyq kólik quraldarynda qalpyna keltirýge, bılettendirý júıesin oılap tapqandardyń áreketterin zańǵa qarsy dep tanýdy talap etip otyr.
Zańger «Tutynshýlyr quqyn qorǵaý týraly» zańnyń qyzmet túrlerin erkin tańdaýǵa múmkindik beretin 7-babynyń 5-tarmaǵyn alǵa tartady. Iaǵnı, elektrondy bılettendirý júıesin engizý arqyly kompanıa tutynýshylardy eseptesý túrin tańdaý quqynan aıyryp otyrǵan kórinedi.
«Budan basqa, jolaýshylar buryn bir aıǵa beriletin jol júrý bıletterin paıdalaný arqyly qosymsha aqy tólemeı-aq bir avtobýstan túsip kelesisine otyra alatyn», - degen advokat qaǵaz jol júrý bıletterin engizgen qalalyq máslıhat sheshimi áli kúnge kúshin joımaǵandyqtan, elektrondy júıe zańsyz dep sanaıdy.
Sonymen qatar, zańger «Ońaı» kartalaryn qaıtadan ótkizý máselesinde de shıkilik baryn aıtady.
