Qazaqstandyq qurylys kompanıalardy valúta baǵamyndaǵy ózgerister turǵyn-úı naryǵyndaǵy baǵa saıasatyna qatty yqpal etetindigi alańdatady, - dep habarlaıdy «Qamshy» portaly.

«Bazıs» qurylys holdıńi dırektorlar keńesiniń tóraǵasy Aleksandr Belovıch Úkimette ótken otyrys barysynda aqparat quraldaryna turǵyn úıge suranysty arttyrý joldary jaıly pikirin bildirgen. Onyń oıynsha, valúta baǵamyna baılanysty tómendep ketken suranysty kóterý úshin arzan ıpotekalar qarastyrý kerek eken.

«Basty mindet – qazirgi bar kólemnen aıyrylyp qalmaý. Burynǵydaı qurylys jalǵasý úshin suranysty khtermeleý kerek. Biz arzan ıpotekalyq baǵdarlamalar surap otyrmyz. Túrli nusqalar bar. Bul memleket salatyn arendalyq baspana bolýy da múmkin. Biz komersıalyq jobalardy da qarastyryp jatyrmyz. Qazir bul baǵdarlamalar birshama tıimsizdeý, nesıeleri qymbat. Eger biz bir kelisimge kelsek, jeke kompanıalar da arendalyq turǵyn úıler salýǵa qatysar edi», - dedi ol.

Sondaı-aq, ol Reseıdi úlgi ete otyryp, bank kredıtterin sýbsıdıalaýdy da qarastyrý kerek degen pikirde.

«Eger bank nesıeleri qymbat bolsa, adamdar ony alýy úshin memleket sýbsıdıa jasaýy kerek. Ázirge bul múmkin emes shyǵar. Biraq, myna munaı baǵasy men valúta baǵasyna qatysty tolqýlar basylǵannan keıin, birinshi toqsan aıaqtalǵan soń bul máselege de oralýǵa bolar» degen bankır qazyna qarjysynan da úmitti ekenin bildirgen.