Bul týraly búgin QR Prezıdenti janyndaǵy Ortalyq komýnıkasıalar qyzmetindegi brıfıńte Qazaqstan İsker áıelderi qaýymdastyǵynyń prezıdenti Raýshan Sársembaeva aıtty.

«Táýelsizdik alǵan kúnnen bastap áıelder qaýymy Elbasy júrgizip otyrǵan reformalarǵa belsendi túrde qatysýda. Ásirese, qazirgi kezde názik jandylar kóptep bızneske bet burýda. Búginde álemdegi daǵdarysqa qaramastan, jańa múmkindikter arqyly shaǵyn jáne orta bıznesti jetildirýde bastamalar júzege asyrylyp jatyr. Sonymen qatar áıelder úshin barlyq deńgeıdegi máslıhattardyń jáne parlamenttik saılaýǵa qatysý - óziniń áleýetin kórsetýge biregeı múmkindik. Iaǵnı, bul turǵyda názik jandylar qoǵamdyq, saıası áleýetin kórsetip, memleket ómirinde óziniń belsendiligi arqyly eldiń damýyna úles qosa alady»,-dedi R. Sársembaev.

Osy oraıda ol aldaǵy saılaýda Parlamenttegi áıelderdiń úlesi arta túsetinine senim bildirdi.

«Bul baǵytta QR Prezıdentiniń janyndaǵy Áıelder isteri jáne otbasylyq-demografıalyq saıasat jónindegi ulttyq komısıa tarapynan komısıanyń aýdandyq, oblystyq hatshylarymen birlese aýqymdy jumystar júrgizildi. «Saıasatker áıelder klýby» qurylyp, isker jáne úkimettik emes uıymdar, memlekettik qyzmet qatarynynan belsendi ári eldiń bolashaǵyna beı-jaı qaramaıtyn áıelderden sapaly quram qalyptastyryldy»,-dedi R. Sársembaeva.