Osy aptada elimizdiń ortalyq jáne jergilikti atqarýshy organdarynda birqatar kadrlyq aýys-túıis oryn aldy. Sondaı-aq Elbasy ókimimen QR Prezıdentiniń keńesshisi taǵaıyndalyp, birqatar aýdannyń jańa ákimderi óz jumystaryna kiristi. «Qamshy» portaly QazAqparatqa silteme jasap, osy apta ishinde oryn alǵan osy jáne ózge de taǵaıyndaýlardy nazarlaryńyzǵa usynady.
Sonymen Memleket basshysy Nursultan Nazarbaevtyń Ókimimen Talǵat Amangeldiuly Musabaev Qazaqstan Respýblıkasy Prezıdentiniń keńesshisi qyzmetine 2017 jylǵy 31 jeltoqsandy qosa alǵandaǵy ókilettik merzimge taǵaıyndaldy.
T.Musabaev 1951 jyly 7 qańtarda Almaty oblysy Jambyl aýdanynda dúnıege kelgen. Rıga azamattyq avıasıa ınjenerleri ınstıtýtyn jáne Aqtóbe joǵary ushqyshtar ýchılıshesin bitirgen. Qazaqstan Respýblıkasynyń jáne Reseı Federasıasynyń ushqysh-ǵaryshkeri, Qazaqstan Respýblıkasynyń Halyq qaharmany jáne Reseı Federasıasynyń Batyry. «Báıterek» Qazaqstan-Reseı birlesken kásiporny» aksıonerlik qoǵamynyń bas dırektory, Qazaqstannyń áýe-ǵarysh agenttiginiń dırektory qyzmetterin atqarǵan. Jańa qyzmetke taǵaıyndalǵanǵa deıin QR Investısıalar jáne damý mınıstrliginiń Aeroǵarysh komıtetiniń tóraǵasy boldy. İ dárejeli «Barys», Otan, Halyqtar dostyǵy, Avstrıanyń «Kúmis Qyran», Reseıdiń «1 dárejeli Uly Petr» ordenderimen, kóptegen medaldarmen, Qazaq KSR Joǵarǵy Keńesiniń Qurmet gramotasymen marapattalǵan.
Sondaı-aq Memleket basshysynyń Ókimiderimen Danıar Aıtmuhametuly Aıtmuhametov Qazaqstan Respýblıkasy Ádilet mınıstrliginiń jaýapty hatshysy, QR UQK Úkimettik baılanys qyzmetiniń dırektory mindetin ýaqytsha atqarýdan bosatylǵan Marhat Danıaruly Arýnov atalǵan qyzmettiń dırektory bolyp taǵaıyndaldy.
Investısıalar jáne damý mınıstrligi etıka jónindegi ýákil óz qyzmetine kiristi. Endi bul mınıstrliktegi etıka jónindegi ýákil - Tımýr Serikuly Toqtabaev bolady. T.Toqtabaev Ulttyq qaýipsizdik komıteti akademıasyn, Sátbaev atyndaǵy Qazaq ulttyq tehnıkalyq ýnıversıtetin, Kókshetaý memlekettik ýnıversıtetin támamdaǵan. Eńbek jolyn 2003 jyly Ulttyq qaýipsizdik komıtetiniń organdarynda ofıser qyzmetterin atqaryp, bastaǵan. 2006 jyly «Qazgeoaqparat» respýblıkalyq geologıalyq aqparat ortalyǵy basshysynyń orynbasary qyzmetine taǵaıyndalǵan. 2008 jyldan bastap Energetıka jáne mıneraldy resýrstar mınıstrliginiń Jer qoınaýlaryn paıdalaný departamentinde dırektor orynbasary, basqarma basshysy qyzmetterin atqarǵan. 2010 jyly «Taý-Ken-Samuryq» Ulttyq taý-ken kompanıasynda quqyqtyq qamtamasyz etý departamentiniń dırektory qyzmetine taǵaıyndaldy. 2011 jyldyń tamyzynan beri sol kezdegi Indýstrıa jáne jańa tehnologıalar mınıstrliginde jer qoınaýyn paıdalaný departamenti dırektorynyń orynbasary qyzmetine taǵaıyndaldy. Qazirgi tańda Investısıalar jáne damý mınıstrliginiń jer qoınaýyn paıdalaný departamentiniń dırektory qyzmetin atqarady.
Erkin Mustafauly Shaımaǵambetov QR Investısıalar jáne damý mınıstrligi Aeroǵarysh komıteti (QazǴarysh) jetekshisiniń ýaqytsha mindetin atqarýshy qyzmetine kiriskeni belgili boldy. Ol 1974 jyly Qyzylorda oblysy Syrdarıa aýdany Tasbóget kentinde dúnıege kelgen. Úılengen, bir uly bar. 1998 jyly Máskeý memlekettik avıasıa ınstıtýtyn támamdaǵan. Qyzmet jolyn «Baıqońyr» ǵarysh aılaǵynda bastaǵan.
Qazaqstan Respýblıkasy Senatynyń tóraǵasy Qasym-Jomart Toqaevtyń ókimimen Senat apparatynyń basshysy qyzmetine Serik Silámjanuly Sydyqov taǵaıyndaldy. S.Sydyqov 1962 jyly týǵan. S.M.Kırov atyndaǵy Qazaq memlekettik ýnıversıtetiniń zań fakúltetn bitirgen. Qazaqstan Respýblıkasynyń parlamentinde 1995 jyldan jumys jasaıdy. Qazaqstan Respýblıkasy Parlamenti Senatynda konsýltant, quyqtyq saraptama bóliminiń sektor meńgerýshisi, saraptama bólimi meńgerýshisiniń orynbasary, ákimshilik bóliminiń meńgerýshisi, apparat basshysynyń orynbasary qyzmetterin atqardy. «Qurmet» ordenimen, «Úzdik memlekettik qyzmetshi» tósbelgisimen marapattalǵan.
Otyrar aýdanynyń jańa ákimi bolyp Erlan Aıtahanov taǵaıyndaldy. Erlan Qýanyshuly 1971 jyly týǵan, bilimi joǵary, mamandyǵy boıynsha ekonomıs, zańger, ekonomıka ǵylymdarynyń kandıdaty. Eńbek jolyn Qazaqstan bankteriniń birinde ekonomıs bolyp bastaǵan. Keıin «Qazaqstan temir joly» respýblıkalyq memlekettik kásipornynda basshylyq qyzmetterde boldy. Qazaqstan Respýblıkasy tabıǵı monopolıalardy retteý jáne básekelestikti qorǵaý agenttiginde túrli qyzmette boldy. Erlan Qýanyshuly Qazaqstan Respýblıkasy Prezıdenti ákimshiliginiń memlekettik ınspektory qyzmetterin atqarǵan. Al 2014 jyldyń qazanynan OQO ákiminiń orynbasary bolyp eńbek etti.
SHQO ákiminiń ókimimen Ulan aýdanynyń jańa ákimi taǵaıyndaldy. Bul qyzmetke Dáýlet Batyrbaev keldi. Ol 2012 jyldan atalǵan aýdan ákiminiń orynbasary, al 2014 jyldan aýdan ákiminiń m.a. bolyp qyzmet etti. Dáýlet Batyrbaev 1976 jyly Semeı qalasynda týǵan.1998 jyly - «Semeı» Memleketik ýnıversıtetinde, 2001 jyly Novosıbırsk gýmanıtarlyq ınstıtýtynda oqydy. 1999 jyldan bıznes-qurylymdarynda jumys istedi. Memlekettik qyzmettegi jumysyn Óskemenniń Kásipkerlik, aýyl sharýashylyǵy jáne veterınarıa basqyrmasynda 2009 jyly bastady. Keıin Menovnov aýyldyq okrýgy ákiminiń orynbasary boldy. 2011-2012 jyldary SHQO Jolaýshy kóligi jáne avtomobıl joldary basqarmasynyń bólim basshysy bolyp qyzmet etti. 2012 jyldyń shildesinde Ulan aýdany ákiminiń orynbasary bolyp taǵaıyndaldy. 2014 jyldyń jeltoqsanynan aýdan ákimi mindetin oryndady.
Qaraǵandy oblysy Sátbaev qalasynyń ákimi bolyp 40 jastaǵy Asqar Ydyrysov taǵaıyndaldy. Ol osyǵan deıin «Nur Otan» partıasynyń ortalyq apparatynda qyzmet etken. A. Ydyrysov 1975 jyly týǵan. Eki joǵary bilimi bar. 1997 jyly Ó. Baıqońyrov atyndaǵy Jezqazǵan ýnıversıtetin, al 2005 jyly Q. Sátbaev atyndaǵy Qazaq ulttyq ýnıversıtetin aıaqtady. 1999 jyldan bastap memlekettik qyzmette. Ortalyq organdarda túrli qyzmetterdi atqardy. QR shaǵyn bıznesti qoldaý jónindegi agenttikte jetekshi maman, bas maman bolyp qyzmet istedi. 2008 jyly QR Indýstrıa jáne saýda mınıstrliginiń strategıalyq josparlaý jáne taldaý departamentiniń dırektory qyzmetine taǵaıyndaldy. 2008-2012 jyldary QR Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory bolyp istedi. 2012 jyldyń qazan aıynan Asqar Ydyrysov Qaraǵandy oblysy ákimi apparatynyń basshysy, keıin Sátbaev ákimi qyzmetterin atqaryp keldi. Osy taǵaıyndaýǵa deıin Astanadaǵy «Nur Otan» partıasynyń ortalyq apparatynda aýdıt qyzmetiniń basshysy bolǵan.
Mırbolat Súıeýuly Nurtazın QR Memlekettik qyzmet isteri mınıstrligi BQO boıynsha departamentiniń basshysy, ádep jónindegi keńesiniń tóraǵasy bolyp taǵaıyndaldy. 1956 jyly Qaztalov aýdany Taskútir eldi mekeninde dúnıege kelgen M.S.Nurtazın Saratov memlekettik pedagogıkalyq ınstıtýtyn, Ortalyq Azıa ýnıversıtetin bitirgen. Eńbek jolyn Kýznesov mektebinde muǵalim bolyp bastaǵan ol sodan keıin Kamen (qazir Tasqala) aýdandyq partıa komıtetiniń nusqaýshysy, Tasqala aýdany ákimi apparaty bólim meńgerýshisiniń orynbasary, meńgerýshisi, BQO ákimi apparaty uıymdastyrý-baqylaý jáne kadr jumystarynyń bas mamany qyzmetterin atqardy. 2000-2014 jyldary QR Memlekettik qyzmet isteri agenttigi BQO boıynsha departamenti basshysynyń orynbasary, tártiptik keńes hatshylyǵynyń meńgerýshisi, 2014 jyldan QR Memlekettik qyzmet isteri jáne sybaılas jemqorlyqqa qarsy is-qımyl agenttigi BQO boıynsha tártiptik keńes hatshylyǵynyń meńgerýshisi, basshynyń orynbasary - tártiptik keńes tóraǵasy mindetin atqarýshy boldy.
«Samuryq-Qazyna» AQ quqyqtyq jáne táýekelder basqarý jónindegi basqarýshy dırektor bolyp Ǵanı Bıtenovtaǵaıyndaldy. Ol QR Prezıdenti janyndaǵy Qazaq menedjment, ekonomıka jáne boljaý ınstıtýtyn (KIMEP) bitirip, Garvard ýnıversıteti men basqa da tanymal halyqaralyq ınstıtýttarda biliktilikti arttyrý kýrstarynan ótken. Onyń quqyq doktory (DoctorofCivilLaw), McGillUniversity (Kanada, Monreal q.) ataǵy bar jáne Halyqaralyq Shanhaı arbıtraj ortalyǵynyń arbıtri sekildi tájirıbeleri de jetkilikti. Halyqaralyq (Bracewell&Giuliani) jáne qazaqstandyq zańgerlik kompanıalarynda 10 jyldan astam ýaqyt jetekshi qyzmetter atqarǵan. Júzdegen mıllıon dollarlyq aýqymdy jobalarda Eýropa qaıta qurý jáne damý banki, MerrillLynchInternational, JPMorganChaseBankN.A. syndy álemdik deńgeıdegi iri ınvestısıalyq bankterdiń múddesine ókildik jasaǵan.
Stepnogor qalasynda jergilikti polısıa qyzmetiniń basshysy taǵaıyndaldy. Bul qyzmetke Áset Omarov keldi. Ol 1980 jyly týǵan. 2004 jyly Qaraǵandy memlekettik ýnıversıtetin zańger mamandyǵy boıynsha támamdaǵan. İshki ister organdarynda 1998 jyldan bastap eńbek etedi. 2012 jyldyń qyrkúıek aıynan bastap, qazirgi kezge deıin Stepnogor qalalyq İİB basshysynyń orynbasary boldy.
