Dinderdi zertteý ortalyqtary qaýymdastyǵynyń jetekshisi, Qazaqstan halqy Assambleıasynyń múshesi Iýlıa Denısenko ekstremıstik toptar jastarǵa nege qyzyǵatynyn túsindirdi, - dep habarlaıdy «Qamshy» portaly QazAqparatqa silteme jasap.

Onyń aıtýynsha, ekstremıstik toptar óz qataryna dál jas býyndy kóbirek tartýǵa tyrysady eken. Jáne bunyń sebebi - jastardyń ańǵaldyǵynda, bilimniń azdyǵy men otbasyndaǵy problemalar, bos ýaqyttyń kóp bolýy degendi alǵa tartty ol.

 «Negizgi sebep, jastar - qoǵamnyń eń belsendi bóligi. Kez kelgen jastyń boıynda áli kópke jetetin kúsh qýat bar, olardyń densaýlyǵy da durys, ıaǵnı, ekstremıstik toptar bir jasty óz qataryna qossa, ol adam búkil kúsh-jigerin sol uıymǵa «qyzmet etýge» jumsaı alatynyn jaqsy biledi. Tipti, ol bolashaqta úrim- butaǵyn túgeldeı osy  uıymǵa tartady degen teris pıǵyl bar. Iaǵnı, ekstremıstik toptar  jastardy óz uıymynyń «bolashaǵy» retinde kóredi»,-deıdi sarapshy.

Iýlıa Denısenko habarlaǵandaı, óz jetekshilik etip otyrǵan qaýymdastyq bul problemanyń aldyn alatyn joba ázirleýde. Joba áli ázirlenip jatyr, degenmen, onyń aıasynda shamamen 50 jas daıyndalyp, óz qatarlastaryna ekstremıstik toptardan qalaı saqtanýdyń, olardyń sıpatyn anyqtaýdyń joldaryn úıretedi.

Aıta keteıik, búgin Astana qalasy boıynsha Qazaqstan halqy Assambleıasynyń hatshylyǵy men Astana qalasy ákimdiginiń janyndaǵy «Qoǵamdyq kelisim» uıymy birlese otyryp  «Qazaqstan-2050» Strategıasyn júzege asyrý aıasynda jastardy rýhanı tárbıeleý máseleleri» jóninde dóńgelek ústel ótkizgen.