Qaladaǵy negizgi baǵyttar boıynsha qyzmet kórsetetin mýnısıpaldy avtoparktyń Shymkentten kelgen jańa qojaıyndary jaqyn kúnderi bılet qunyn ózgertpekshi. Óıtkeni qosalqy bólshek baǵasy sharyqtap ketipti. «Almatyelektrotrans»-tyń 70 paıyz aksıasyn alǵan shymkenttik «Green bus» kompanıasynyń basshylary «endi jol aqysyn ósirmesek bolmaıdy» dep otyr.
Onsyz da avtobýstardyń birazy buzylyp, jolǵa jaramaı tur eken. Odan qaldy, kompanıa avtoparktiń qordalanǵan qaryzyn óteýi tıis. Osynyń bárin alǵa tartqan shymkenttik kásipker bar jaǵdaı jolaqyǵa tirelgenin aıtady. Bul tasymaldaýshy Shymkentte de bılet qunyn kótermekshi. Ol jaqta da qoǵamdyq kólikterge qojalyq etken kompanıa baǵany 50 teńgeden birden 70 teńgege ósirýdi josparlap otyr. Atap ótsek, ótken jumada ǵana Almatydaǵy mýnısıpaldyq avtoparktiń 70 paıyzy jekeniń qolyna ótken bolatyn. Qoǵamdyq kólikterdiń jartysynan kóbi tenderge túskenimen, tozyǵy shyqqan tramvaılardyń ázirge eshkimge qajeti bolmaı tur.
Baýyrjan Qulyshev, «Green bus company» JSHS dırektory:
— Mynaý devalvasıamen 70 teńge emes, 120 teńge suraý kerek tarıf Shymkentte ózinde! Al Almatyda ózińiz oılańyz, 3 jyl buryn kótergen baǵany. Teńge kýrsy 180 bolǵan, qazir ýje 360! A zapchasttar barlyǵy shetelden alyp jatyrmyz. Zapchasttar, maı bári polnostú eki ese qymbat boldy. Kótermese, men bilmıeımin mynaý bizdiń perevozchıktar shydamaıdy osy jerde.
Derekkóz: KTK arnasy.
