Elbasy N. Nazarbaev Aqordada akademık, eks-depýtat Kenjeǵalı Saǵadıevpen kezdesýde qazaqstandyq ǵalymdar aldyna osyndaı mindet qoıdy, - dep habarlaıdy "Qamshy" portaly.
Nazarbaev otandyq ǵalymdarǵa álemdik daǵdarystyń sebebin tabýǵa tapsyrma berdi. Óıtkeni, prezıdenttiń oıynsha, bul kúrdeli suraqtyń jaýabyn aýzyn aıǵa bilegen Nobel syılyǵynyń laýreattary da bilmeıdi.
Búgin Aqordada elimizge tanymal akademık Kenjeǵalı Saǵadıevti qabyldaǵan prezıdent ǵalymdarǵa únsiz otyra bermeı, quldyraǵan álemdik ekonomıka men ýshyqqan geosaıası jaǵdaıǵa qatysty pikir bildirip otyrýyn surady. Jáne ol jaı quraq sóz emes, dáıek pen derekke negizdelgen salmaqty saraptama bolýy tıis. Sebebi jurt jahandaǵy daǵdarysqa qatysty paıym jasaı almaı otyr. Saǵadıev bul olqylyqtyń ornyn toltyrýǵa ýáde etti.
Nursultan Nazarbaev, Qazaqstan Respýblıkasynyń prezıdenti:
-Ózińiz kórip otyrsyz. Myna dúnıede daǵdarysty aıtqanda úndemeıdi. Nobel syılyǵynyń laýreattary úndemeıdi. Eshqaısysy úndemeıdi.Eshqaısysy bir saraptama jasap qıyndyqtan shyǵýdyń jolyn aıtpaıdy. Osynyń bárine bizdiń Ǵylym Akademıasy ǵalymdardyń pikirlerin,oılanyp aıtatyn sózderi bolýy kerek. Olar endi osymen otyr ǵoı. Men myna sharýashalyqpen otyrmyn, anany da qaraýym kerek, mynany da qaraýym kerek.
