El Prezıdenti N. Nazarbaev áleýmettik jelilerdi túrli taqyrypta pikir talastyratyn mańyzdy alań dep sanaıdy. Bul týraly Prezıdenttiń baspasóz hatshysy Dáýren Abaev Aqordanyń Feısbýktegi betinde jarıalady.

Jazylýshylar sany 10 myńnan asqan resmı paraqshada Dáýren Abaev barlyq jeli qoldanýshylaryna alǵys bildirdi.

«Biz ár jarıalanymdy qadaǵalap otyrǵan jáne resmı betti jetildirý boıynsha usynys jasaǵan barlyqtaryńyzǵa rızashylyq bildiremiz. Tek keri baılanys arqyly ǵana biz óz jumysymyzdy jaqsarta alamyz», - degen D. Abaev.

Sonymen qatar, ol «Memleket basshysy jumys bastylyǵyna qaramastan áleýmettik jelidegi negizgi trendterden habardar jáne áleýmettik jelini qoǵamdyq pikir talastar úshin mańyzdy alań dep sanaıdy», - degen.