Eldiń bas partıasy «Nur Otannyń» hatshysy Farhad Qýanǵanov buǵan deıin qazaqstandyq sport jáne óner juldyzdary da depýtat retinde baqtaryn synaýǵa quqyly ekenin aıtyp, olardyń qatarynda ánshi Janar Duǵalovanyń da esimin ataǵan edi. Bul málimdemeden ánshiniń eks-prodúseri Baıan Esentaeva biraz «shoq» alǵan sıaqty, - dep habarlaıdy «Qamshy» portaly.
Aty Serik Sápıev, Ilá Ilın, Qaırat Nurtas syndy juldyzdarmen qatar atalǵan Janar Duǵalovaǵa qatysty pikirin Baıan Esentaeva Instagram jelisinde jarıalady.
“Bárin túsinem, biraq depýtattyq tizimge ártisterdi qosý degen basyma syımaıdy. Ánshiler qandaı máseleni usyna alady. Kópke topyraq shashpaıyn, biraq Janar Duǵalova túk bitirgen joq, qalaı ǵana jas ánshi zań jobalarymen aınalyspaq? Tanymaldylyq degen bir bólek, saıasat degen bir bólek. Ne bolsa da, sáttilik tileımin. Naǵyz daryn ıesi barlyq jaǵynan qabiletti shyǵar. Bálkim ol saıasatqa da kerek shyǵar”, – dedi Esentaeva óz paraqshasynda.
