"Astanadaǵy İİD Kúzet basqarmasyna qyzmetkerler qajet" degen habarlama álemniń 105 elinde 40 tilde ǵalamtor arqyly kónergen zattar men túrli eski buıymdardy satýmen aınalysatyn olx.kz saıtynda jarıalandy, - dep habarlaıdy "Qamshy" portaly. 

"Memlekettik organdaǵy jumys: QR İİM-ne qabyldaý júrip jatyr" degen habarlamada bolashaq polıseılerdiń aılyǵy 50 myń men 100 myń teńgeniń aralyǵynda dep kórsetilgen. 

"Qyzmetke boıy 175 santımetrden kem emes, áskerı bıleti bar jáne jasy 25-ke tolmaǵan azamattar qabyldanady" degen habarlyndyrýdy osy ýaqytqa deıin eki myńǵa jýyq adam kórgen.

Óziniń atyn atamaýdy jón kórgen N. esimdi otstavkadaǵy polkovnık "Bul - polısıa bedeliniń tómendeýine ákelip soǵady. Keńes zamanynda quqyq qorǵaý organdaryna qandaı úlken talappen jáne qıyndyqtarmen jumysqa alatyn" dep pikir qaldyrǵan.