Almatyda «Chýkotka» meıramhanasynda Syrym Muratqalıev esimdi azamattyń ólimine sebepker dep aıyptalǵan Aleksandr Kýznesov 8 jylǵa bas bostandyǵynan aıryldy, - dep habarlaıdy «Qamshy» portaly.

Prokýror aıyptalýshyny 8 jylǵa bas bostandyǵynan aıyrý týraly suranysy sotta qanaǵattandyrylyp, Qylmystyq kodekstiń 106-baby 3-bólimi boıynsha kináli dep tanylǵan A. Kýznesov segiz jylǵa bas bostandyǵynan aıryldy. Ol jazasyn jalpy rejımdegi túzeý mekemesinde óteıtin bolady.

Esterińizge salsaq, 6 naýryz kúni dámhanada bolǵan kıkiljińde S. Muratqalıev aýyr soqqydan qaza boldy. Osy is boıynsha ótken alǵashqy sot ınstansıasy aıyptalýshyny «Abaısyzda kisi ólimine sebepker boldy» degen aıyppen bir jarym jylǵa bas bostandyǵynan aırylǵan bolatyn. Aıyptalýshy tarap bul jazanyń ózin ádiletsiz dep sanaǵan bolatyn. Alaıda, bolǵan jaǵdaıǵa qatysty qosymsha málimetter anyqtalyp, is qaıta qaraldy. Sot otyrystarynda sondaı-aq, sotqa deıingi tergeý kezinde polıseıler tarapynan jiberilgen birqatar kemshilikter de anyqtaldy.

Eskertý: Vıdeo tengrinews.kz saıtynan alyndy.