Qytaıdyń Altaı aımaǵy Qaba aýdanynda 26 qańtar kúni «Igilik» utys lotoreıasynyń «Qos tústi shar» syılyqty bıletinen bir qazaq azamaty qomaqty qarjy utyp aldy. Qandasymyzdyń utyp alǵan syılyq somasy 10 759 612 ıýándy quraıdy, - dep habarlaıdy «Qamshy» portaly altaılyq aqparat quraldaryna silteme jasap.

Qomaqty utys ıelengen 40 jastan asqan lotoreıa áýesqoıy 10 jyldan beri úzdiksiz lotoreıa oınap kelgen. Utys shyqqan lotoreıa sandary onyń otbasy músheleriniń týǵan aı, kúnimen quramdas bolyp shyqqan. Utys somasyn teńgege shaqqanda 559499824 teńgeni qurap otyr. Dollarmen eseptegende bul soma 1543448 dollardy quraıdy.

Osynyń aldynda, 14 qańtar kúni Altaı aımaǵynyń Beıtún qalasynda taǵy bir lotoreıa áýeskeri osy lotoreıa bıletinen 10 620 158 ıýándyq syılyqqa ıe bolǵan edi.