Jalǵa beriletin turǵyn úı qymbat ıpotekalyq zaıymdarǵa balama bolady. «Nur Otan» partıasynyń «Qazaqstan - 2021. Birlik. Turaqtylyq. Jasampazdyq» jańa Saılaýaldy baǵdarlamasynda osylaı delingen.
«Partıanyń turǵyn úı saıasatyndaǵy qazirgi kezeń úshin basty basymdyǵy jalǵa beriletin turǵyn úıdi damytý bolyp tabylady. Jalǵa beriletin turǵyn úı qurylysy - partıa Kóshbasshysy bastamashy bolǵan «Nurly jol» Memlekettik ınfraqurylymdyq damý baǵdarlamasynyń mańyzdy bóligi. Jalǵa beriletin turǵyn úı - bul el azamattaryn, eń aldymen, jas otbasylardy derbes baspanamen qamtamasyz etý úshin pragmatıkalyq jáne naqtyly jol. Ol ásirese halyqtyń áleýmettik álsiz toptary úshin neǵurlym qoljetimdi jáne suranysqa ıe qural», - dep atap ótilgen jańa Saılaýaldy baǵdarlamasynda.
Atap aıtqanda, jalǵa beriletin turǵyn úı qymbat ıpotekalyq zaıymdarǵa balama bolady jáne qoljetimdi baspanaǵa muqtajdardy barynsha kóp qamtýǵa jaǵdaı jasaıdy.
«2020 jylǵa deıin «Nurly jol» baǵdarlamasy aıasynda 1,4 mln. sharshy metr jalǵa beriletin turǵyn úı salynady. Jalǵa beriletin turǵyn úı qurylysy barysynda bizdiń el ekonomıkasy úshin mýltıplıkatıvti áser alatynymyz da óte mańyzdy - qurylystaǵy 1 jumys orny sabaqtas salalarda altyǵa deıin qosymsha jumys oryndaryn ashady», - delingen qujatta.
