Óskemende 2015 jyly bala týý kórsetkishi 6,1%-ǵa, halyqtyń tabıǵı ósimi   27%-ǵa artty.   Náresteniń ólim-jitimi 11,5%-ǵa azaıdy. Al ana ólimi tirkelgen joq. Bul týraly búgin qalalyq ákimdikte ótken esep berý kezdesýinde Óskemen ákimi Temirbek Qasymjanov habarlady.

Týberkýlezben aýrý kórsetkishi 13,7%-ǵa jáne qaterli isik 0,7%-ǵa tómendegen. 

T. Qasymjanovtyń aıtýynsha, densaýlyq saqtaý salasyndaǵy jaqsy kórsetkishter medısınalyq qyzmet sapasynyń jaqsarýyna, joǵary tehnologıalyq júıeni engizýge baılanysty. Bizdiń dárigerler shetelde biliktilikti arttyrý kýrstarynan ótip, shetel klınıkalaryna oqýǵa barady.

Óskemen ákimi oblys ortalyǵynda dárigermen qamtamasyz etý, jas mamandardy tartý boıynsha máseleler sheshilip jatqanyn atap ótti.

Aıtqandaı, Óskemende bıyl Semeı memlekettik medısınalyq ýnıversıteti ashyldy. Qalada jas mamandarǵa arnalǵan 70 oryndyq jataqhana salynýda. Oblystyq aýrýhana bazasynda Sall-sentr, oblystyq saýyqtyrý ortalyǵy, 1 medısınalyq mekeme ashyldy, dep habarlady SHQO aqparattyq ortalyǵynda.