Búgin Baıqońyrdan kezekti Proton zymyrany ushyryldy. Osyǵan oraı "Antıgeptıl" azamattyq qozǵalysy astanalyqtardyń arasynda "Biz geptılge qarsymyz, al Siz óz tańdaýyńyzdy jasańyz!" atty arnaıy áleýmettik saýalnama júrgizýdi bastady, - dep habarlaıdy «Qamshy» portaly.

Saýalnamada negizinen "Siz "Antıgeptıl" qozǵalysynyń ýly geptılmen ushatyn Proton zymyranyn toqtatý týraly bastamasyn qoldaısyz ba?" jáne "Vy "za" ılı "protıv" zapýskov Protona ıadovıtom toplıve Geptıl?" degen eki suraq qoıyldy.

«Osy ýaqytqa deıin saýalnamaǵa qatysqan 48 adamnyń ishinde 47 adam Proton zymyranynyń ushyrylýyna qarsy ekenin, 1 adam qoldaıtynyn bildirgen. Al, 48 adamnyń ishinde 44 azamat "Antıgeptıl" qozǵalysynyń bastamasyn qoldaıtynyn, 2 adam qarsy ekenin, 2 adam jaýap berýden bas tartatynyn aıtqan. Sóıtip, astanalyq azamattar Proton zymyranyn ushyrý, geptıl otynyn paıdalaný týraly ÓZ TAŃDAÝLARYN JASADY. Saýalnama odan ári jalǵasýda. Saýalnama áleýmettik jelilerde de jalǵasatyn bolady» deıdi qozǵalys taratqan habarlamada.