"Nur Otan" partıasynan Májilis depýtattyǵyna úmitker retinde usynylǵan óner juldyzdary men sportshylar synǵa ushyraýda. Májilistiń burynǵy depýtattary Azat Perýashev pen Abaı Tasbolatov ol juldyzdardyń úmitker retinde usynylýyna negiz joq dep sanaıdy. Bul týraly "Qamshy" portaly habarlaıdy.

«Men mundaı qajettilikti kórip otyrǵan joqpyn. Birinshiden, tájirıbe qajet. Ol — ánshi. Árıne ony jastar jaqsy kóredi. Parlamentte zańdardy túsiný qajet. Ol úshin, taǵy qaıtalap aıtaıyn, ómirlik tájirıbe qajet. Sondyqtan — bul shoý, meniń ony qabyldamaıtynym túsinikti. Eger sportshylar bolsa, olardyń basqarý tájrıbeleri bolýǵa tıis. Al qazirgi sportshylar sportpen aınalysyp, elge septigin tıgize bersin»,- deıdi A. Tasbolatov jýrnalıserge.

Al Azat Perýashevtiń buǵan kózqarasy  táp-táýir. «Birnshiden, juldyzdar — barlyǵy sekildi, olar da adamdar. Olardyń azamatyq-konstıtýsıalyq saılaý jáne saılaný quqyǵy bar.(…). Ekinshi jaǵynan, árıne parlament — joǵary zań shyǵarýshy organ, onda jumys isteıtin adamdar óz salasynda bilikti bolýǵa tıis», — dedi A. Perýashev.

Onyń pikirinshe, juldyzdar mádenıet, rýhanı damytý salasyna suranysqa ıe bolady. «Biraq, meniń oıymsha, búginde negizgi syn-tegeýrinder ekonomıka jáne naryq ınstıtýtynda. Sondyqtan juldyzdar — árıne bul jaqsy. Ol partıanyń bedelin kóterýge, tanymaldyǵyn arttyrýǵa kómektesedi, degenmen kúndelikti aǵymdyq jumys ekonomıkaǵa qatystyraq bolady. Bul is osy salada jumys istegen adamdarǵa jaqynyraq»,- dep sanaıdy A. Perýashev.