Aqyn Muhtar Shahanov Almatyda ótip jatqan Jalpyulttyq sosıal-demokratıalyq partıa sezine kelip, aıaǵyn kútpeı shyǵyp ketken, - dep habarlaıdy "Qamshy" portaly Azattyqqa silteme jasap. 

Jalpyulttyq sosıal-demokratıalyq partıa (JSDP) búgin Almatyda ótkizgen sıeze partıa atynan kezekten tys parlament saılaýyna túsetin adamdardyń tizimin bektti. «Kóktóbe» demalys kesheninde eki júzge jýyq adam qatysqan sez sheshimine sáıkes saılaýǵa túsetin 27 kandıdattyń arasynda Záýresh Battalova, Baltash Tursymbaev, Ámirbek Toǵysov, Petr Svoık, Ýálıhan Qaısar, Ermurat Bápı, Qurmanǵazy Rahmetov, Baqytgúl Mákimbaı, Ǵabıden Jákeı syndy buǵan deıingi saılaýlar kezinde jurtshylyqqa tanylǵan adamdarmen birge Asqat Raqymjanov, Janat Esentaev, Rahym Aıypuly, Tazabek Sámbetbaı sıaqty parlament saılaýyna jańadan túsip jatqandar bar.

Sonymen birge partıa tizimine engizý jóninde aldyn ala kelisilgen keıbir adamdar saılaýǵa qatysýǵa yqtıar bildirmegen.

– Aqyn Muhtar Shahanov búgingi jıynǵa kelgenimen, belgisiz sebeptermen ketip qaldy. Jazýshy Mereke Qulkenov partıalyq tizim boıynsha saılaýǵa qatysýdan bas tartty, - deıdi JSDP baspasóz hatshysy Tazabek Sámbetbaı.

Buǵan deıin 2012 jyly qańtarda ótken parlament saılaýyna JSDP «Azat» partıasynyń qoldaýymen qatysqanymen, qajetti daýys «jınaı almaǵan» edi.