Búgin «Nur Otan» partıasynyń respýblıkalyq saılaýaldy shtaby óz jumysyn bastady. Bul týraly búgin partıanyń ortalyq apparatynda ótken brıfıńte partıa Tóraǵasynyń birinshi orynbasary Asqar Myrzahmetov málim etti, - dep habarlaıdy «Qamshy» portaly QazAqparatqa silteme jasap.

«Shtab jumysynyń mindeti - «Nur Otan» partıasynyń parlamenttik jáne máslıhat saılaýynda aıqyn jeńisine qol jetkizý», - dedi A.Myrzahmetov.

Shtab quramyna tanymal partıa jáne qoǵam qaıratkerleri, partıanyń Saıası keńesiniń músheleri kirgen. Munan bólek, ótken saılaý naýqandaryna qatysyp, mol tájirıbe jınaǵan azamattarmen qatar shtba quramyna jastar uıymdarynyń belsendi ókilderi de kirip otyr. Partıa tóraǵasy N.Nazarbaevtyń tapsyrmasymen «Nur Otannyń» saılaýaldy shtabyn basqarý Asqar Myrzahmetovke júktelgen.

A.Myrzahmetovtiń aıtýynsha, «Nur Otan» partıasy bıliktegi basymdyqqa ıe jáne jaýapkershiligi mol saıası kúsh retinde óz saılaýaldy baǵdarlamasynda jańa úderisterge jaýap beretin jáne birlik, turaqtylyq pen jasampazdyqty qamtamasyz etýge baǵyttalǵan Elbasy anyqtap bergen memlekettik baǵdardy júzege asyrý jónindegi alǵa qoıylǵan maqsattarǵa qol jetkizý úshin naqty mejelerdi belgiledi.

Búgingi tańda partıada túrli áleýmettik toptarǵa jatatyn turǵyndarmen naqty is-qımyl jospary ázirlenip, respýblıkalyq jelilik kestesi qabyldandy, medıalyq jospary bekitildi.

Elimizdiń barlyq óńirlerinde senimdi ókilder men partıa belsendileriniń jumysyn úılestiretin dál osyndaı sıpattaǵy 16 aımaqtyq jáne 208 aýmaqtyq shtab qurylmaq. Olardyń quramyna 3,5 myńnan asa adam kiredi. Barlyq shtabtardyń jumysyn 29 myńnan astam senimdi ókil, sonymen qatar 27 myńnan astam partıa belsendisi qatysatyn bolady.

 «Qamshy» silteıdi