Kıno salasynda ózindik orny qalyptasyp úlgergen akter, ári rejıssór Nurtas Adambaev búgingi kúni depýtat bolýǵa umtylyp jatqan úmitkerler jaıly pikirin aıtty.
«Shynymdy aıtsam, báriniń zań shyǵarýshy organdar ornyna umtylyp jatqany, jan dúnıeńdi aýyrtady eken. Olardy bul qyzmetti atqara ala ma, joq pa, ol oılandyrmaıtyn sıaqty. Bastysy soǵan jetse boldy. Menińshe, olar eldiń jaǵdaıyn jaqsartýǵa emes, tek depýtat bolýǵa ǵana umtylady. Óıtkeni, abyroıly ataq qoı. Depýtat bolsa, týystary arasynda da bedeli ósip, olardyń balalaryna úlgi bolady. Tósterine kók tústi belgini taǵyp alyp, aqyldy keıip tanytyp, qarapaıym halyqtan ne keregin surap, sony jónge keltirýge ýáde berip júredi», – dep jazady rejıser Facebook paraqshasynda.
Bul kórinis kıno salasyndaǵy kóptegen rejıserlardy eske túsiredi. Ondaı «rejıserlarǵa», negizinen, «director» dep atalatyn orynda aqyldy keıippen otyrǵany, aınalasyndaǵylardyń shaı tasyp júrgeni mańyzdy sekildi. Sóıtip otyryp senarılerdi túzegen bolady.
Birde komedıa túsirgen kıno salasynyń maıtalmanyn sýretten kórip qaldym. Onyń sýretke salmaqty, aqyldy túr jasaǵysy kelgeni kórinip tur. Alaıda, ol komedıadaǵy dınozavrdyń súıegin joǵaltyp alǵan arheologqa kóbirek uqsaıdy.
Bir kezderi maǵan «Sen rejısersyń, sen akterlarǵa jaqyndamýyń kerek. Olardy asıstenter shaqyrýy tıis. Sen munda buıryq berý kereksiń. Sen óz bedelińdi túsirmeýiń kerek. Ondaı jumystarǵa arnaıy adamdar bar», – degen edi. Sol sátte men keıbir adamdardyń tek rejıser bolyp oınaıtynyn túsindim. Olarǵa istiń nátıjesi emes, ózgelerdiń kózqarasy, rejıser dep moıyndaǵany áldeqaıda mańyzdy.
Sol sıaqty búginde depýtat bolýǵa talpynyp jatqandar da, áıteýir depýtat atanǵysy keletinder.
Bul meniń óz qıalymnan týǵan jeke pikirim.
Nelikten bizdiń elde bastyq, depýtat bolýǵa jantalasyp jatady? Ata-analar balalaryna kishkene kezinde «bastyq bolasyń» dep jatatyn edi ǵoı. Múmkin sodan shyǵar. Bizdikiler úshin mansap onyń atqaratyn rólinde emes, ataǵynda sıaqty. Bizdiń jigitter «gıtaramen turamyn ba jyndy sıaqty toıda?» dep keıbir jumystardy namys kóredi. Al, Tashkentten kelgen jigitter qandaı jumys bolsa da isteýge ázir bolyp, áıteýir nápaqa tabýdy kózdeıdi. Al, bizdikiler baıaǵyda ózine aıtqandaı óziniń qashan «bastyq bolatyn» sátin kútip júre beredi.
Istochnık: Stan.kz
