Tarazda 88 jastaǵy tyl ardagerin óziniń kórshisi tapsyrys berip, óltirmek bolady. Alaıda, aldymen qarıanyń páterin, keıin janyn almaq bolǵan kórshi áıeldiń isi sátsiz aıaqtaldy.

Bul týraly Vremá gazetine silteme jasap NUR.KZ habarlaıdy.

Beıtanys áıel páterinde jalǵyz turatyn ájeımen jaqyn aralasýdyń túrli joldaryn izdep, oǵan óz kómegin usyna bastaıdy.

“Bizge qarama qarsy úıde turatynyn aıtyp, meniń qaıtys bolǵan qyzymmen jaqyn aralasqanyn jetkize bastady. Keıin meniń páterime kóz salyp, “Sizdi baǵyp-qaǵyp turamyn, al siz páterdi meniń atyma jazasyz” degendi aıtty. Bulaı bolmaıdy, biz bir-birimizdi múlde bilmeımiz dep bas tarttym”, – deıdi 88 jastaǵy Valentına Basova.

Osydan soń, kórshi áıel qarıany tapsyrys berip óltirmekshi bolady. Ol óziniń páterinde turatyn, buryn sottalǵan 22 jastaǵy jigitti kıller retinde jaldaıdy.

Alaıda, buryn da isti bolǵan jigit tapsyrysty oryndaýdan bas tartyp, barlyǵyn tártip saqshylaryna baıandap bergen.

Búginde qarıany óltirýge tapsyrys bergen áıel qamaýǵa alyndy. Al kıller bolsa, qarıamen dostasyp úlgergen. Elham Allaberdıev Valá ájeıdiń úıinen shaı ishýge baryp turady.

“Ol ájeı soǵysty kórgen. Mundaı adam qaıdaǵy bireýdiń tapsyrysynan kóz jumsa, durys bolmas edi”, – deıdi Elham.