Shyǵys Qazaqstan oblysy Solovevo aýylyndaǵy mekteptiń oqýshylardyń aýzyn skochpen japty jáne sabaq ústinde porno kórsetti dep aıyptalǵan muǵaliminiń qyzmeti tómendep, sógis jarıalandy. - dep habarlaıdy YK-news.kz.
Oqytýshy Mahabbat Tóleýtaevanyń bul áreketi jaıly oqýshy qyzdardyń biriniń ákesi bilip qoıǵan, keıin ol jergilikti bilim bólimine jáne oblystyq basqaramaǵa aryzdanǵan. Oqıǵanyń mán-jaıyn polıseıler anyqtady.
"Qyzdyń aıtýynsha, oqıǵa bylaı bolǵan: Aná dırektordyń oqý isi jónindegi orynbasary Mahabbat Tóleýtaevanyń balanyń aýzyn skochpen japqanyn kórgen jáne "Kimde-kim erkeleıtin bolsa, sóıleı beretin bolsa, skoch barlyǵyna da jetedi" dep aıtqanyn estigen. Sosyn men pornografıaǵa baılanysty jaǵdaıdy suradym. Aná maǵan bul oqıǵanyń 2015 jyldyń aqpanynda án-kúı sabaǵynda bolǵanyn aıtyp berdi. Kabınette ınteraktıv taqtasy ornatylǵan, oǵan noýtbýk qosýly bolǵan. Kompúter basqa muǵalimdiki eken. Mahabbat Tóleýtaeva kompúterdegi papkalardy aqtaryp, vıdeo izdegen, osydan keıin bir vıdeony ashyp qalǵanda ekranda jynys músheleri kórsetilgen. Aıta ketý kerek, oqý isi jónindegi orynbasardyń balasy osy synypta oqıdy. Osy sátte ol sheshesine: "Mama, qarańyz!" dep aıǵaılaǵan. Muǵalim "Oı, basqa papkany qosyppyn!" dep, vıdeony óshirmek bolǵan. Ol úsh-tórt mınýt boıy óshirýge tyrysqan. Óshirgennen keıin qýyrshaqtar teatry týraly jazbany qosqan", - dedi Zyrán aýdandyq ishki ister bóliminiń ıývenal polısıa tobynyń mektep isi jónindegi aǵa ınspektory Janna Qasymjanova.
Osy oqıǵadan keıin mektepte aýdandyq bilim bóliminiń qyzmetkerleriniń qatysýymen tergeý júrgizildi. Oqytýshynyń balalardyń aýzyn skochpen japqany týraly deregi rastaldy. "Men odan (Tóleýtaevadan - Avt.) túsinikteme aldym. Shyn máninde muǵalim sabaq ústinde kóp sóılegeni úshin balanyń aýzyn skochpen japqan. Mahabbat Tóleýtaevanyń aıtýynsha, bala skochty alyp tastaǵan da, keıin sabaq jalǵasqan", - dedi mektep dırektory Muqan Tólebaev. Osy oqıǵadan keıin oqý isi jónindegi orynbasardyń qyzmeti tómendegen. Sonymen qatar, óziniń zań buzýshylyǵyn habarlaǵan oqýshy qyzǵa qysym kórsetkeni úshin oǵan sógis jarıalanǵan.
Al sabaq ústinde porno kórsetý týraly derek rastalmady. "Án-kúı pánindegi erotıkalyq mándegi fılmderdi kórsetý deregi rastalmady. Zyrán aýdandyq ishki ister bóliminiń qyzmetkerleri tergeýdi bastady. Oqýshylar men mektep ujymy bul derekti joqqa shyǵaryp otyr. Sotqa deıingi tergeý qylmystyq quqyqbuzýshylyq quramynyń joqtyǵyna baılanysty aıaqtaldy", - dep habarlady oblystyq bilim basqarmasynyń jetekshisi Aıjan Sadyqova.
Muǵalimniń ózi de sabaq ústinde pornony kórsetpedim deıdi. "Men kináli emespin! Men pornografıany kórsetpedim. Meniń mektepte jumys istep kele jatqanyma 19 jyl boldy, bul synypta meniń ulym oqıdy! Men eresekterge arnalǵan fılmderdi eshqashan kórsetken emespin. Al skochqa baılanysty oqıǵada men kórneki oqý quraldaryn taqtaǵa 3-5 santımetr bolatyn skochpen ilgenmin. Jená bolsa sóıleı berdi. Men oǵan "Jenka, qazir aýzyńdy skochtpen jaýyp qoıamyn!" dedim. Jaqyndap keldim de ernine tıgizdim. Ol sol bette skochty alyp tastady jáne munyń barlyǵyn ázil retinde qabyldady", - dedi Tóleýtaeva.
