Shymkentte kúshtik qurylymdar ótkizgen arnaıy operasıa barysynda bıznesmen Toqtar Tóleshov tutqyndaldy. Odan qarý-jaraq pen esirtki, túrli kitaptar tárkilengen, - dep habarlaıdy «Qamshy» portaly İİM memlekettik til jáne aqparat departamentine silteme jasap.

Keshe tańerteń Shymkenttegi «Rıksos Hadısha Shymkent» qonaq úıi, «Shymkent syrasy» kompanıasynyń keńsesi men onyń qojaıynynyń úıi óorshaýǵa alynǵan bolatyn. Qonaq úı aldynda kásipkeriń oqqaǵarlary mingen kólik toqtatylyp, odan birneshe qarý salynǵan sómke tárkilengen.

«Jedel-izdestirý sharalary barysynda İİM qyzmetkerleri tórt adamdy tutqyndady. Olardyń jumys oryndary men úılerin sot ruqsatymen tintý kezinde otty qarý, esirtki zattary men kitaptar tárkilendi. Qazir saraptama taǵaıyndalyp, sotqa deıingi tergeý júrýde», - delingen İİM memlekettik til jáne aqparat departamenti taratqan habarlamada. Ustalǵandardyń ishinde belgili kásipker Toqtar Tóleshov te bar.

Kásipker T. Tóleshov bıznespen qatar, qoǵamdyq qyzmetpen de belsendi aınalysyp kelgen. Ol RF-da ornalasqan «Lańkestik qaterlerdi taldaý ortalyǵynyń» Qazaqstandaǵy ókildigin basqarǵan. Sondaı-aq, ol RF Memlekettik dýmasynyń ekonomıkalyq áriptestik, din jáne úkimettik emes uıymdar boıynsha keńesshisi, «Nur Otan» partıasynyń múshesi, Halyqaralyq jýrnalıser odaǵy men Reseı jýrnalıser odaǵynyń múshesi bolǵan, birneshe memlekettik nagrdalarmen marapattalǵan.