Reseı basshysy Vladımır Pýtın Saýd Arabıasynyń Sırıadaǵy ahýalǵa aralasyp otyrǵanyna beı-jaı qaramaıtynyn málimedi, - dep habarlaıdy «Qamshy» portaly «Realnye novostı» aqparattyq saıtyna silteme jasap.

Burynyraq Reseı basshysy Saýdıa álemde beıbitshilik ornatýǵa kedergi keltirip otyr dep aıyptaǵan edi.

«...Reseı Sırıadaǵy saýdıalyqtardy bombalap tastaıdy. Sırıalyq partıalar kelisim stolyna otyryp, saýdıalyqtardyń destrýktıvti áreketterin áshkerelerýi kerek. Saýdıalyqtar Taıaý Shyǵystaǵy lańkesterge kómektesýin qoımasa, Reseı Saýd Arabıasyn bombalap, orta ǵasyrǵa qaıtadan aparyp tastaıdy» degen edi.

V. Pýtınniń oıynsha Reseıdiń Saýd Arabıasyna qarsy qatań sharalary ISHIM solardyń qoldaýymen álemge qaýip tóndirip turǵandyqtan aqtalatyn kórinedi. Sondaı-aq, álemdik qaýymdastyq AQSH pen Saýd Arabıasynyń kúdikti birlestiginiń qaýpi týraly bilýi kerek eken.

Basylym, sonymen qatar, Reseı prezıdentiniń baspasóz hatshysy Dmıtrıı Peskovtyń aptalyq baspasóz máslıhatynda Saýd Arabıasyn Sırıadaǵy Al- kaıda uıashyqtaryn qoldap otyr dep synǵa alǵanyn jazady.

«Saýdıalyq kósemder bılikke jabysyp alǵany sonshalyq, olar aınalasyndaǵy elderdegi tynyshtyqty buzý arqyly ózderin qutqaramyz dep úmittenedi», - dedi D. Peskov.