Ezubao kredıtteýge arnalǵan ınternet-platformanyń qyzmetin tergeıtin Qytaı polısıasy 21 jastaǵy kúdiktini ustady, tergeý júrgizý ýaqytynda kompanıanyń 50 mlrd ıýán (7,58 mlrd dollar) aktıvteri qursaýlandy, - dep habarlaıdy "Qamshy" portaly QazAqparatqa silteme jasap.
Ezubao jumysy Ponsı sqemasy boıynsha qurylǵan, alǵash ret salymshylar jańa ınvestorlar tartý esebinen joǵary paıyzdar alady, dep habarlady TASS.
«Ezubao «Ponsı sqemasy» bolyp tabylady, - dep málimdedi onyń burynǵy prezıdenti Chjan Mın, ol qazir tutqynda. Onyń aıtýynsha, kompanıanyń negizin qalaýshy Dın Nın (bul da ustalǵan) «muny bilgen».
Ezubao 2014 jyly qurylǵan. Kompanıa qarjy ónimderiniń alty túrin usynyp, jylyna 9 paıyzdan 14 paıyzǵa deıin tabysqa qol jetkizdi. Ótken jylǵy jeltoqsanda platforma salymshylarynyń sany 900 myń adamdy qurady, olar salǵan qarajattyń jıyntyq kólemi 74, 56 mlrd ıýánǵa (11,30 mlrd dollar) jetti.
Quqyq qorǵaý organdary kompanıa qyzmetin teksere bastaǵanda, onyń basshylyǵy jer astyna 1,2 myń esep-qısap qujattaryn jasyryp qoıǵan. Ony qazyp alý úshin polıseıler 20 saǵat ketirdi. Operasıaǵa eki ekskavator tartyldy.
Qytaıda banktik depozıt boıynsha stavkasy salystyrmaly túrde tómen bolatyn klıentterdi aldaý jaǵdaılary jıi kezdesedi. Joǵary tabysqa dámelengen olar qarajat salady. Alaıda ol túrli qarjy pıramıdalary, zańsyz ınvestısıalyq qor bolyp shyǵady. Taıaý ýaqytqa deıin Qytaıda jeke bankter bolmaǵany, jeke tulǵalarmen shetel bankteriniń jumysy shektelgeni jaǵdaıdy kúrdelendire tústi, sondyqtan sońǵynyń qarajatyna básekelestigi jergilikti banktik salada tómen boldy. Sı Szınpınniń basshylyq etýimen QHR jańa basshylyǵy banktik sektordy yryqtandyrýǵa kiristi.
