Qapshaǵaı qalasynda ornalasqan 32363 áskerı bóliminiń kelisim-shart boıynsha áskerı qyzmetshisi qyzmet ornynda ózin-ózi atyp óltirgen, - dep habarlaıdy «Qamshy» portaly Qorǵanys mınıstrliginiń baspasóz qyzmetine silteme jasap.

Kishi serjant áskerı shenindegi qyzmetshi A. Qazaqpaev qyzmet atqarý beketinde óz qarýynan basyna tıgen oqtan kóz jumǵan. Óz-ózine qol jumsaǵan áskerıdiń múrdesin beketke ony aýystyrýǵa kelgen áriptesi K. Kamınskıı taýyp alǵan.

«Aldyn ala málimetterge saı, A. Qazaqpaev alys jezdesine jáne súıikti qyzyna sms-habarlama joldaǵan. Habarlamada týystary men jaqyndarynan ózin keshirýdi jáne eshkimdi aıyptamaýdy, anasyna qaraılasýyn suraǵan», - delingen vedomstvo taratqan habarlamada.

Qaza tapqan jigittiń súıiktisi polıseılerge onyń anasynyń atyndaǵy úlken kólemdi nesıeni tólep kelgenin, qaıǵyly jaǵdaıǵa sonyń sebep bolýy múmkin ekenin aıtqan.