Ortalyq saılaý komısıasy Májilis depýtattyǵyna úmitkerlerdiń qujattaryn qabyldaı bastady, - dep habarlaıdy «Qamshy» portaly 24.kz-ke silteme jasap.

Alǵashqylardyń biri bolyp búgin nurotandyqtar usynylǵan tizimdi tapsyrdy.

Esterińizge salaıyq, keshe partıanyń XVII sezinde saıası naýqanǵa qatysatyn 127 adamnyń esimi belgili bolǵan edi. Búgin olardyń partıa tizimine engizý týraly ótinishteri, ómirbaıandyq derekteri, ózderiniń jáne jubaılarynyń tabysy men múlki týraly deklarasıalary jáne ózge de qujattary Ortalyq saılaý komısıasy jumys tobynyń qaraýyna ótti. Taǵy bir aıta ketetin jaıt, saılaý zańnamasyna sáıkes, «Nur Otan» partıasy ótken saıası dodada saılaýshylardyń jalpy sanynyń 7%-dan astam daýysyn jınaǵandyqtan, saılaý jarnasyn tóleýden bosatyldy.

Mádı Ospanov, «Nur Otan» partıasy Ortalyq apparat jetekshisiniń orynbasary:

- Búgin biz 127 qujat tapsyrdyq. Endi ony Ortalyq saılaý komısıasy tekseredi. Tirkeýin kútemiz.