Almatydaǵy №126 orta mekteptiń on úsh oqýshysy senbi kúni kózden jas aǵyzatyn aerozoldi balonnan ýlanyp, aýrýhanaǵa túsken bolatyn. Oqıǵa kýágerleriniń aıtýynsha, segizinshi synyptyń bir oqýshysy mektep dárethanasynda aerozoldi balondy shashyp, sodan joǵary synyptyń eki oqýshysy men 7,8-synyptyń 11 oqýshysy ýlanǵan. Atalǵan oqıǵaǵa baılanysty oqýshylardyń ata-analary mektep muǵalimderin kinálap otyr, - dep habarlaıdy «Qamshy» portaly «KTK» arnasyna silteme jasap.
Ata-analar mektep muǵalimderi balalardy der kezinde syrtqa shyǵarý ornyna kabınetterge qamap qoıǵan dep aıyptaýda. L, gazdy balonnan ýlanǵan oqýshylardyń biri jansaqtaý bólimine jatqyzylsa, qalǵandarynyń jaǵdaıy «ortasha aýyr» dep baǵalanyp otyr.
