Erkin ózgermeli aıyrbastaý baǵamynyń rejimine ótkennen keıin jáne sonyń saldarynan bolǵan baǵam devalvasıasynan keıin, buryn qoldanysta bolǵan qolma-qol shetel valútasynyń satyp alý baǵamynyń satý baǵamynan aýytqý shekteri (AQSH dollary úshin 2 teńge, eýro úshin 3 teńge) teńgeniń aıyrbastaý baǵamynyń jańa mánderine sáıkes kelmeıtin boldy, - dep habarlaıdy «Qamshy» portaly.

«Osyǵan oraı, 2016 jyldyń 1 aqpanynan bastap baǵamnyń jańa mánderine tepe-teń túrde AQSH dollaryn satyp alý baǵamy men satý baǵamy arasyndaǵy ruqsat etilgen marja 6 teńgege deıin, al eýro boıynsha 7 teńgege deıin ulǵaıtyldy (Qazaqstan Respýblıkasy Ulttyq Banki Basqarmasynyń 2015 jylǵy 19 jeltoqsandaǵy № 257 qaýlysy)», – dep habarlaıdy QR Ulttyq banktiń baspasóz qyzmeti.

Erkin baǵam belgileý jaǵdaıynda, bir kún ishinde baǵam kúrt ózgergen kezde, keıbir aıyrbastaý pýnktteri belgili bir valútalar boıynsha operasıalardy toqtatty. Mundaı jaǵdaı 2016 jyldyń 23 jáne 24 qańtarynda Almaty jáne Astana qalalaryndaǵy baıqaldy. Shekti marjany keńeıtý aıyrbastaý pýnktteriniń valútany satyp alý baǵamyn jáne satý baǵamyn belgileýdiń ıkemdirek tásilin qamtamasyz etip, aıyrbastaý pýnktteriniń jumysyndaǵy irkilispen baılanysty týyndaıtyn máselelerdi joıady.

QR Ulttyq bankiniń baspasóz qyzmeti sondaı-aq, Qazaqstan Respýblıkasynda qolma-qol shetel valútasymen aıyrbastaý operasıalaryn uıymdastyrý qaǵıdalarynda aıyrbastaý operasıalaryn júrgizýden negizsiz bas tartýǵa tyıym salynǵanyń jetkizdi. Eger aıyrbastaý pýnkti operasıany kasada qajetti aqshanyń bolmaýy sebebinen júrgizbese, kasır operasıany júrgizýden bas tartý ýaqytyn kórsete otyryp, anyqtama berýi qajet.

Aıyrbastaý pýnktteriniń jumysyna shaǵymdy aıyrbastaý pýnktiniń ornalasqan jeri boıynsha Ulttyq Banktiń aýmaqtyq fılıaldaryna berý kerek. Aıyrbastaý pýnktteri klıentteriniń aýmaqtyq fılıalǵa berilgen jazbasha ótinishi negizinde aıyrbastaý pýnktiniń qyzmetine tekserýdiń júrgiziletinine nazar aýdarady. Ótinish berý nysany mindetti túrde árbir aıyrbastaý pýnktiniń aqparattyq stendinde ornalastyrylady. Tómende Ulttyq Bank aýmaqtyq fılıaldarynyń «jedel jelileriniń» telefondary berilgen, ol telefondar boıynsha aıyrbastaý pýnktteriniń qyzmetindegi buzýshylyqtar týraly habarlar qaldyrýǵa jáne oryn alyp otyrǵan shaǵymdar boıynsha jazbasha ótinishter berýge, keńes alýǵa bolady.

Aýmaqtyq fılıaldardyń jedel jeli telefondarynyń nómirleri

Aqmola fılıaly 8(7162)-25-16-18;

Aqtóbe fılıaly 8(7132)-21-02-15; 8(7132)-21-38-42;

Almaty qalalyq fılıaly 8(727)-244-36-75; 8(727)-244-36-54;

Almaty oblystyq fılıaly 8(7282)-24-40-90; 8(7282)-24-11-07;

Atyraý fılıaly 8(7122)-32-85-67; 8(7122)-32-22-02;

Shyǵys Qazaqstan fılıaly

Óskemen 8(7232)-25-43-21; 8(7232)-25-46-12;

Semeı 8(7222)-52-35-65; 8(7222)-52-26-00; 8(7222)-52-31-31;

Jambyl fılıaly 8(7262)-45-09-75;

Batys Qazaqstan fılıaly 8(7112)-50-44-38; 8(7112)-50-06-23;

Qaraǵandy fılıaly 8(7212)-41-91-70;

Qostanaı fılıaly 8(7142)-54-62-34; 8(7142)-54-81-18;

Qyzylorda fılıaly 8(7242)-26-14-21; 8(7242)-27-42-72;

Mańǵystaý fılıaly 8(7292)-43-62-58; 8(7292)-42-78-94;

Pavlodar fılıaly 8(7182)-32-58-60; 8(7182)-32-66-71; 8(7182)-32-20-76; 8(7182)-32-39-59;

Soltústik Qazaqstan fılıaly 8(7152)-46-50-34; 8(7152)-46-03-61;

Ortalyq fılıal (Astana qalasy) 8(7172)-70-33-13; 8(7172)-70-33-58;

Ońtústik Qazaqstan fılıaly 8(7252)-21-20-76; 8(7252)-21-20-69.