Internette selofannan Argentına fýtbol quramasynyń formasyn kıip, juldyzǵa aınalǵan balany tilshiler izdep tapty. Ol bes jasar Murtaza Ahmadı bolyp shyqty - búldirshin Aýǵanstannyń ońtústik-batysynda Gaznı eldi mekenindegi aýyldardyń birinde turady, - dep habarlaıdy Tengrinews.kz Sputnik Ázirbaıjan-ǵa silteme jasap.

"Altyn dop" júldesin bes ret jeńip alǵan Lıonel Messıdiń jankúıeri ınternet-juldyzǵa aınalǵanyn bilmegen eken. Onyń sýretin Facebook jelisine birneshe apta buryn aǵasy salypty. Osydan keıin ondaǵan myń adam sýrettegi balany taýyp, naǵyz fýtbolkany syılaǵysy keledi. 
Murtazanyń ákesi Muhammad Arıf balasyna fýtbolǵa arnalǵan forma ápere almaǵanyn moıyndady. Sondyqtan búldirshinniń aǵasy oǵan plasık paketinen jeıde jasap beripti. "Murtaza bir jyl buryn qatarlastarymen aýlada fýtbol oınaı bastady. Bizde jaryq joq, sondyqtan kún energıasyn paıdalanyp, kishkentaı teledıdarymyzdy qosamyz. Murtaza Messıdiń fýtbolkasyn kıgisi keletin, sondyqtan ol ózine Argentına quramasynyń formasy tústes kók-ala paket satyp aldy. Sosyn onyń aǵasy paketke "10" jáne "Messı" dep jazyp berdi. Murtazanyń oınaýǵa doby da joq, sondyqtan ol dos balalarynan alyp, oınap turady. Balam óz armanyndaǵy tulǵamen kezdeskisi keledi, bul kún de týady dep senemiz", - dedi er adam.  

Aýǵanstannyń Fýtbol federasıasyndaǵylar Lıonel Messıdiń ókilderiniń olarmen baılanysqanyn habarlady. Qazirgi ýaqytta Murtaza men Messıdiń kezdesýin uıymdastyrý boıynsha jumystar júrgizilip jatyr. "Aýǵanstannyń Fýtbol federasıasynyń basshylyǵy Messı men "Barselonadan" kezdesýge qatysty habarlama aldy", - dep málimdedi federasıanyń baspasóz hatshysy Saıed Alı Kazemı EFE basylymyna bergen suhbatynda.