Qazaqtyń aıaýly uly, asyldyń synyǵy Asqar Jakýlın dúnıeden ozdy, - dep habarlaıdy «Qamshy» portaly.
Qaraly habardy Feısbýk áleýmettik jelisindegi paraqshasynda jýrnalıs Bolat Múrsálim jarıalady.
«Búgin tańerteń Beıjińnen qaraly habar keldi. Elý bir jasqa qaraǵan shaǵynda aýyr naýqastan Asqar Ánýaruly Jákýlın dúnıeden ótipti», - dep jazady B. Múrsálim.
Jákýla Kúshikulyndaı arystyń urpaǵy Asqar Jakýlın Qytaı jerinde dúnıege kelip, Germanıada bilim alǵan. Qazaqstanǵa kelip qyzmet etken ol «As-aı» kompanıasyn qurǵan. Qytaıdaǵy eń alǵashqy «Aýyl» saıtynyń negizin qalaýshy. Kóptegen ǵylymı, mádenı jobalarǵa demeýshilik jasaǵan arda azamattyń artynda bir ul, bir qyzy qaldy.
