Almaty oblysynda tikushaq apatynan qaıtys bolǵan feldsher Gúlnur Hamıtova uıaly telefon arqyly jazǵan eń sońǵy hatyn óziniń anasyna joldapty, - dep habarlaıdy «Qamshy» portaly 31-arnaǵa silteme jasap.

16 saǵat 56 mınýtta Gúlnur Hamıtova anasyna borannan dalanyń kórinbeı turǵanyn, qatty jelden tikushaqtyń ushýy qıyndaǵanyn jazǵan.  Jáne Taldyqorǵanǵa jaqyndap qalǵandyǵyn jetkizgen. Alaıda, 23 jastaǵy felsherdiń anasy bul qyzynyń eń sońǵy haty ekenin bilmedi.

Gúlnur tipti anasyna vatsap jelisi arqyly aqqan aýrýyna shaldyqqan sábıdiń sýretin de túsirip jibergen. Ótken senbi kúni Indıra Bektýllına marqum bolǵan qyzynynyń denesin týǵan jeri Aqsý aýdanynyń ortalyǵy Jansúgirov aýylynda jerledi. Dál osy eldimekende Gúlnur dúnıege kelgen. Anasynyń aıtýynsha, Gúlnurdyń bar armany anasyna úı satyp alyp berip, turmysqa shyqsam dep, tipti qonaqtardyń tizimin de jazyp qoıǵan. Gúlnurdyń anasynyń aıtýynsha, jalǵyz qyzdaryn oqýǵa túsirý maqsatynda basyndaǵy baspanalaryn da satqan kórinedi. Bul jaıt Gúlnurdyń janyna batyp, ár kez anasyna úı alyp beremin dep bolashaqqa talpynypty. Ókinishke qaraı, otbasynyń jalǵyz balasy feldsher Gúlnurdyń armany oryndalmaı ketti. Aıta keteıik, sársenbi kúni Úsharaldan ushyp shyqqan tikushaq Taldyqorǵanǵa kelýi tıis bolǵan. Alaıda, áýe kemesi apatqa ushyrap, ishinde bolǵan bes adamnyń barlyǵy qaıtys bolǵan.

Indıra Bekdýllına, Gúlnur Hamıtovanyń anasy:

- Arman degen jetedi ǵoı. Kúıeýge tıemin deıtin. Qaıtsem de saǵan úı alyp beremin deıtin. Men aıtamyn ǵoı, áli kishkentaısyń desem ne perejıvaı. Nıkogda jylama mama deıtin. Men jylasam jyny ustaıtyn. «Vse býdet horosho, býdet horosho» deıtin. Jalǵyz qyzym edi, sol úshin ómir súrdik.