Budan bylaı Qytaıdyń memlekettik saltanatty sharalaryna İle jylqysy ǵana miniledi. Negizinen qazaqtar kóp shoǵyrlanǵan aımaqtaǵy bul jylqynyń turqy bıik, shydamdy keledi. Ony halyq arasynda İle qazaq jylqysy dep te ataıdy. Bul týraly "Qamshy" portaly «Shyńjan» jańalyqtary basylymyna silteme jasap habarlaıdy.
Beıjińde qańtar aıynda jylqy sharýashylyǵy qaýymdastyǵynyń otyrysy ótken. Jıynda Qytaıdyń saltanatty sherýge arnalǵan jylqy túrin tańdaý máselesi qaralǵan. Talap boıynsha, janýar boıynyń bıiktigi – 1 metr 60 sm, túri qara nemese qara tory bolýy shart. Mamandar ózara aqyldasa kele kóptegen jylqy tuqymynyń ishinen qazaqtyń İle jylqysyn tańdaıdy. Túrli sporttyq saıystarda jeńimpaz atanyp, kózge túsip júrgen janýardyń bul túri turqy bıik, minezi jumsaq, úıretýge jeńil bolyp keledi eken.
