Qazaqstan Respýblıkasy Konstıtýsıasyndaǵy sóz bostandyǵy jáne aqparat taratýda zań sheńberinde jumys isteý erejelerin basshylyqqa ala otyryp Qazaqstan jýrnalıseri men BAQ salasyndaǵy úkimettik emes uıym ókilderi saılaýǵa qatysty Hartıa jarıalady, - dep habarlaıdy «Qamshy» portaly. Ol hartıanyń tolyq mátini tómendegideı:

1. Bul Hartıa Qazaqstan Respýblıkasynyń Konstıtýsıasyna, Qazaqstan Respýblıkasynynyń «Saılaýlar týraly» jáne «Buqaralyq aqparat quraldary týraly» zańdaryna sáıkes jasalǵan.

2. Bul Hartıanyń negizgi maqsaty qazaqstandyqtardy saılaý naýqany, sondaı-aq Qazaqstan Respýblıkasynyń Parlamenti Májilisi men maslıhattarynyń depýtattyǵyna kandıdattardyń qyzmetteri týraly buqaralyq aqparat qural¬darynda shynaıy ádil, tolyq jáne senimdi aqparattarmen qamtamasyz etý bolyp tabylady.

3. BAQ-tar Qazaqstan Respýblıkasynyń Parlamenti Májilisi men maslıhattarynyń depýtattyǵyna tirkelgen barlyq kandıdattardyń, olardyń saıası kózqarastaryna qaramastan, ózderine teńdeı múmkindikke ıe bolýyna yqpal ete alady jáne solaı etýge tıisti.

4. Bul Hartıa árbir azamat óziniń saılaý quqyn júzege asyrýyna múmkindik alý úshin BAQ-tardy saılaý jumystaryn, kandıdattar men saılaý naýqanynyń negizgi kezeńderi, daýys berý resimi jáne basqa da máseleler týraly kásibı jáne shynaıy aqpar taratýǵa shaqyrady.

Osyǵan baılanysty, bizder, Qazaqstan jýrnalıseri men úkimettik emes uıymdar ókilderi, saılaýdy kórsetý kezinde myna qaǵıdattardy ustanatynymyzdy málimdeımiz:

1) Qazaqstan Respýblıkasynyń zańnamalaryn, jýrnalıserdiń kásibı etıka normalary men minez-qulyq erejelerin buljytpaı saqtaý;

2) saılaý taqyrybyna arnalǵan barlyq materıaldardyń obektıvti, alalaýsyz, aqparattyq, sondaı-aq Qazaqstan Respýblıkasynyń Parlamenti Májilisi men maslıhattarynyń depýtattyǵyna úmitkerlerge qatysty ádil bolýlaryna yqpal etý;

3) úmitkerlerdiń abyroıy men iskerlik bedeline, jeke basyna nuqsan keltirýi yqtımal aqparattardy taratpaý;

4) aqparat kózderin, ásirese, eger olar kúdik týdyratyn bolsa tekserýge alý;

5) úgit jarıalanymdary men aqparattyq habarlamalar arasyndaǵy aıyrmashylyqty naqty ajyratý;

6) belgilengen tártip pen áleýmettik saýalnama júrgizý sharttaryn ustaný, saýalnama nátıjelerin jarıalaý kezinde aýdıtorıaǵa berilgen saýalnama jaýaptary tek qana boljam ekenin eskertý jáne saýalnama nátıjeleri týraly nemese saılaýǵa bes kún buryn jáne daýys berý kúngi aldyn ala nátıjeler týraly materıaldardy taratpaý.

7) Bul Hartıa ózara qurmetke negizdelgen ózara qarym-qatynas júıesin qurýdy, barlyq ózara yqpaldasýshy taraptardyń múddelerin taný men esepke alýdy, senimdi jáne tolyq aqparatqa súıengen joǵary saıası máde-nıetti qarastyrady.

Hartıa adamnyń, qoǵam men memlekettiń jalpyǵa birdeı tanylǵan quqyqtary men bostandyqtarynyń sózsiz basymdyǵyna baǵyttalǵan jáne saıası problemalardy sheshýde bir-birine ózara jol berip, ózara is-qımyldyń kelisimdik negizin qarastyrady.

Hartıaǵa qol qoıa berýge bolady.