Ispandyq Cybermetrics Lab zertteý toby úzdik–20 qazaqstandyq ýnıversıtet saıttarynyń tizimin jarıalady. Cybermetrics Lab zertteý toby qurastyrǵan ýnıversıtet saıttarynyń álemdik reıtıńiniń qazaqstandyq bóliginde Ál-Farabı atyndaǵy Qazaq Ulttyq ýnıversıtetiniń portaly kósh bastap tur, - dep habarlaıdy «Qamshy» portaly ýnıversıtettiń baspasóz qyzmetine silteme jasap.
Sarapshylar saıttardy baǵalaý kezinde portaldardyń izdeý júıelerinde anyqtalyp shyǵýyna, atap aıtqanda gıpersiltemelerdiń sany men izdeý júıelerinde kórinýine basa nazar aýdardy. Reıtıń jylyna eki ret jaryqqa shyǵady. Qańtar men shilde aıynyń alǵashqy 20 kúninde 24 myńnan astam portaldar týraly málimetter jınalady. Qurastyrýshylardyń negizgi maqsaty bilim berý baǵdarlamalaryna saı ýnıversıtetterdi ǵalamtordaǵy belsendiligin arttyrýǵa yntalandyrý. Aqparattar kóbine Google jáne Google Scholar-dan kelip túsedi. Tómende 20-úzdik qazaqstandyq joǵary oqý oryny saıttarynyń reıtıńisi usynylǵan:
- Ál-Farabı atyndaǵy Qazaq ulttyq ýnıversıteti;
- Sátbaev atyndaǵy Qazaq ulttyq tehnıkalyq ýnıversıteti;
- L.N.Gýmılev atyndaǵy Eýrazıa ulttyq ýnıversıteti;
- S.J.Asfendıarov atyndaǵy Qazaq Ulttyq medısına ýnıversıteti;
- Toraıǵyrov atyndaǵy Pavlodar memlekettik ýnıversıteti;
- Qaraǵandy memlekettik tehnıkalyq ýnıversıteti;
- Shákárim atyndaǵy Semeı memlekettik ýnıversıteti;
- Býketov atyndaǵy Qaraǵandy memlekettik ýnıversıteti;
- Áýezov atyndaǵy Ońtústik Qazaqstan memlekettik ýnıversıteti;
- D.Serikbaev atyndaǵy Shyǵys Qazaqstan memlekettik tehnıkalyq ýnıversıteti;
- Abaı atyndaǵy Qazaq ulttyq pedagogıkalyq ýnıversıteti;
- Menedjment jáne boljaý ınstıtýty;
- Nazarbaev Ýnıversıteti;
- Qazaqstan Respýblıkasy Prezıdentiniń janyndaǵy Memlekettik basqarý akademıasy;
- Myrzahmetov atyndaǵy Kókshetaý ýnıversıteti;
- Qazaq-Brıtan tehnıkalyq ýnıversıteti;
- Amanjolov atyndaǵy Shyǵys Qazaqstan memlekettik ýnıversıteti;
- Ótemisov atyndaǵy Batys Qazaqstan memlekettik ýnıversıteti;
- Almaty energetıka jáne baılanys ýnıversıteti;
- Qozybaev atyndaǵy Soltústik Qazaqstan memlekettik ýnıversıteti.
Jahandyq reıtıńte birinshi oryndy Garvard ýnıversıtetiniń saıty, ekinshi oryndy Stenford ýnıversıtetiniń saıty, al úshinshi oryndy Massachýsets tehnologıalyq ınstıtýty alǵanyn atap ótý kerek.
