Byltyrǵy jyl qazaqstandyq avtomobıl naryǵyna da ońaıǵa soqqan joq. Birneshe márte teńgeniń quldyraýy men halyqtyń áleýmettik jaǵdaıynyń tómendeýi, irili-usaqty kásiporyndardyń ekonomıkalyq qıyndyqtar kórýi kólik saýdasyndaǵy baǵany da myń qubyltty. Bıylǵy jyl da bul naryq úshin asa jemisti jyl bola qoımaıtyn sıaqty. Qarajattan qınalǵan halyq kólik saýdasyn burynǵydaı qyzdyrýǵa qulyqty emes. Aqshasy barlardyń ózi de arzan kólikterge umtylýda.
kolesa.kz saıtyndaǵy málimetterge súıene otyryp, «Qamshy» portaly nazarlaryńyzǵa 2016 jyldyń alǵashqy aıynda eń kóp satylǵan, baǵasy arzan bes kólik markasyn usynady. Tizimge engen bes markanyń barlyǵy da TMD elderinde qurastyrylatyn kólikter. Onyń ishinde, bireýi Qazaqstan men Ózbekstan markasy bolsa, qalǵan úsheýi reseılik kólikter.
Daewoo Matiz
Qazaqstandaǵy eń arzan kólikter tizimin ózbek aǵaıyndar qurastyrǵan Matiz bastap tur. Avtosalondar bul kólik úshin 1 559 000 teńge surap otyr. Jarty jyl buryn 1 059 000 teńgege satylǵan kóliktiń baǵasy bıyl birshama qymbattaǵan. Búdjettik kólik 51 attyń kúshine ıe 0,8 lıtrlik qozǵaltqyshpen, mehanıkalyq 5 satyly berilis qorabymen jabdyqtalǵan. Munda rúldiń gıdrokúsheıtkishi, ortalyq qulyp degen júıeler múlde ornatylmaǵan. Osy rette bul markaly kólikterdiń Eýrazıalyq ekonomıkalyq odaqtyń tehnıkalyq reglamentine saı Qazaqstanǵa ákelip satylýyna tyıym salynǵanyn, salondarǵa buryn ákelingen kólikter taýsylǵan soń avtomobıl satylymnan shyǵarylatynyn eskerte ketý kerek.
Búginde salondar bul kólik markasyn 1 559 000-2 329 000 teńge aralyǵynda saýdalaýda.
LADA Granta
Ótimdiligi jaǵynan reseılik LADA Granta da qalyspaıdy. Baǵasynyń arzandyǵyna baılanysty bul marka Qazaqstan kólik naryǵyndaǵy eń tanymal kólikterdiń biri bolyp otyr. Bul marka tanymaldyǵy jaǵynan tek Hyundai Accent kóligine ǵana jol beredi eken. Kóliktiń eń qarapaıym jınaǵyn (komplektasıa) 1 669 000 teńgege satyp alýǵa bolady. Lada-nyń bul markasyndaǵy 1,6 kólemdi qozǵaltqyshy 82 attyń kúshine ıe, 5 satyly mehanıkalyq berilis qoraby bar. Qolaılylyq jaǵynan «Matızden» asyp túspeıdi. Biraq, artyqshylyǵy retinde jalǵyz qaýipsizdik «jastyǵy» baryn aıta ketý kerek.
LADA Granta -nyń eń arzan jınaǵy 1 669 000 teńge tursa, eń qymbat jınaǵy 2 392 000 teńgeden satylýda.
Geely CK
Arzan kólikter tizimin Qazaqstanda qurastyrylǵan qytaılyq marka jalǵastyrady. Geely CK kóligin resmı dıllerler 1 930 000 teńgege baǵalap otyr. Sedan 1,3 kólemdi 85 attyń kúshine ıe qozǵaltqyshpen jáne mehanıkalyq berilis qorabymen jabdyqtalǵan. Eń arzan jınaǵy men qymbat túriniń aıyrmashylyǵy – kondısıoner men ABS júıesi ǵana. Iaǵnı, eki túrli jınaq qańtar aıynda sáıkesinshe 1 930 000 jáne 2 250 000 teńgeden saýdalanǵan.
LADA Kalina
Tórtinshi oryn bul tizimde reseılik LADA Kalinaǵa tıesili. Bul kóliktiń «Standart» úlgisindegi bazalyq jınaǵy 2 013 000 teńgeden satylǵan. Jabdyqtalýy jaǵynan LADA Grantadan esh aıyrmashylyǵy joq.
Túrli úlgidegi jınaqtarynyń baǵasy 2 013 000 men 2 748 000 teńge aralyǵyn quraıdy.
LADA Priora
Qaltaǵa jeńil kólikter reıtıńin taǵy da reseılik LADA Priora tuıyqtaıdy. Jastar arasynda úlken qyzyǵýshylyqqa ıe bul kólik 16 klapandy 106 attyń kúshine ıe 1,6 kólemdi qozǵaltqyshpen, mehanıkalyq berilis qorabymen jabdyqtalǵan. Sondaı-aq, qaýipsizdik «jastyǵy», ABS júıesi, ortalyq qulyby, bortkompúteri jáne aldyńǵy terezelerdi elektr kótergish júıesi bar. «Prıoranyń» bazalyq úlgisi 2 038 000 teńgeden, al, eń qymbat úlgisi 2 493 000 teńgeden satylǵan.
