«Birlik» partıasy QR Parlamenti Májilisiniń saılaýyna 8 úmitker qosady. Búgin partıanyń kezekten tys ekinshi sezinde delegattar 8 adamnan turatyn saılaý tizimin bekitti, - dep habarlaıdy "Qamshy" portaly QazAqparata silteme jasap.

Óz sózinde «Birlik» partıasynyń tóraǵasy Serik Sultanǵalı partıanyń 53 myń múshesi Qazaqstandy gúldengen, qýatty memleketke aınaldyrý isine jumyla úles qosýǵa múddeli ekendigin atap ótti.

Sonymen partıanyń saılaý tizimine mynadaı tulǵalar kirip otyr:

1. Bolat Baıqadamov, "Birlik" partıasy tóraǵasynyń orynbasary.

2. Mýrat Qojamqulov, "Birlik" partıasynyń Aqmola oblysy boıynsha fılıalynyń tóraǵasy.

3. Roza Qýanyshbaeva, QR Kásipodaqtary qaýymdastyǵy múlik jáne aktıvterdi basqarý basqarmasynyń bastyǵy.

4. Tólegen Qýanyshev, "Birlik" partıasy tóraǵasynyń orynbasary.

5. Murat Raev, Qazaq Gýmanıtarlyq-Zań ýnıversıteti rektorynyń keńesshisi.

6. Serik Sultanǵalı, "Birlik" partıasynyń tóraǵasy.

7. Asqar Syzdyqov, "Grand -DÚK Qazaqstan" JSHS basshysy.

8. Nurlan Shaýhamanov, Qyzylorda oblysy "Beıneý Shymkent" gaz qubyry JSHS dırektory.

Sez delegattary kezekten tys ótkeli otyrǵan QR Parlament Májilisi men barlyq deńgeıdegi máslıhattar saılaýyna qatysý týraly qaýlyny bekitip, elimizdi eń damyǵan 30 eldiń qataryna qosý jolynda aıanbaı ter tógýge daıyn ekendikterin jarıalady.

Sonymen qatar Elbasynyń 5 ınstıtýsıonaldy reformasyn biraýyzdan qoldaý týraly mańyzdy sheshim qabyldady.