Qoǵamdyq kelisim keńesi alda kele jatqan Qazaqstan Respýblıkasy Parlament Májilisi men barlyq deńgeıdegi máslıhat depýtattarynyń kezekten tys saılaýyn qoldaıtyndyqtaryn jetkizdi. Bir aýyzdan sheshimdi qabyldaǵan otyrys músheleri azamattardy saılaýǵa belsendi qatysýǵa shaqyrdy, - dep habarlaıdy "Qamshy" portaly.

         Qazirgi tańda aımaqtaǵy qoǵamdyq kelisim keńesiniń jumys aýqymy keńeıgen. Qoǵamdyq jáne memlekettik uıymdarmen jumys jasaıtyn keńes sondaı-aq, «Ult Jospary – 100 naqty qadam» baǵdarlamasyn iske asyrý joldary qarastyrýda.

         – Memlekettik baǵdarlamalardy iske asyrýda óńirdegi barlyq uıymdarmen birlesip jumys jasaǵanymyz durys. Sebebi «Ult Jospary –100 naqty qadam» memlekettik baǵdarlamasyn júzege asyrýmen qatar, aldymyzda kele jatqan saılaý naýqanynda tynymsyz eńbek etip, qoldaý kórsetýimiz qajet, – dedi oblystyq belarýs etnomádenı birlestiginiń múshesi Anatolıı Zlotnıkov.