Qyzylorda oblysynda kıiktiń jappaı qyrylý oqıǵasy tirkeldi, - dep habarlaıdy «Qamshy» portaly «Kazahstanskaıa pravda» gazetine silteme jasap.

Bul joly kıeli janýardyń qyrylýy lastanǵan tabıǵattyń, ýly aýa men shóptiń de kinásinen emes, adamdardyń jaýyzdyǵynan bolyp otyr. Oblystyq ishki ister departamenti tabıǵatty qorǵaý polısıasynyń qyzmetkerleri zańsyz kıik aýlady degen kúdikpen úsh azamatty tutqyndaǵan.

«Toıota Land krýzer» kóligin mingen ańshylardy polıseıler men «Ohotzooprom» RMK qyzmetkerleri Jalaǵash aýdany Qaraketken aýylynyń «Bógedek» ýchaskesinde qolǵa túsirgen.

«Tekserý kezinde kólik salonynan 12-kalıbrli eki ańshy myltyǵy, 172 patron tárkilengen. Sondaı-aq, polıseıler toǵaı arasyna jasyrylǵan 18 kıiktiń etin tapqan», - dep jazady basylym.

Atalǵan oqıǵaǵa oraı QK-niń 337-baby 4-bólimi boıynsha (Erekshe kúzetiletin tabıǵı aýmaqta sırek kezdesetin jáne joıylyp ketý aldynda turǵan janýarlar túrin zańsyz aýlaý) qylmystyq is qozǵalǵan.

Esterińizge salsaq, memlekettik qorǵaýǵa alynǵan janýarlardyń bul túriniń sany ótken jylǵy kıikterdiń jappaı qyrylýy oqıǵasynan keıin eki esege deıin kemip ketken.