«Áziret Sultan» qoryq-murajaıynda qazaq ǵylymynyń kórnekti ókili Qaıym Muhamedhanovtyń 100 jyldyǵyna oraı «Segiz qyrly bir syrly» atty kórme uıymdastyryldy, - dep habarlaıdy «Qamshy» portaly.

Ǵalym, bilikti ustaz, aqyn, jazýshy, dramatýrg, ádebı aýdarmashy, ǵumyryn Abaı murasyn zertteýge arnaǵan, shákárimtanýdyń negizin qalaýshy, Qazaq KSR Gımniniń avtory, KSRO Jazýshylar Odaǵynyń múshesi, Qazaqstannyń Memlekettik syılyǵynyń, Jazýshylar odaǵy syılyǵynyń, Halyqaralyq «Alash» ádebı syılyǵynyń jáne Halyqaralyq Abaı akademıasynyń (London) Altyn medaliniń ıegeri, profesor, KSRO jáne Qazaqstan halyq aǵartý isiniń úzdigi,  Qaıym  Muhamedhanovtyń týǵanyna 100 jyl tolyp otyr. Osyǵan oraı, «Áziret Sultan» qoryq-murajaıy Qoja Ahmet Iasaýı kesenesinde «Segiz qyrly bir syrly» kórmesiniń tusaýyn kesti.  Kórmeniń alǵashqy tilegin «Áziret Sultan» qoryq-murajaıy dırektory Áýbákir Jandos Maǵazbekuly  ashyp, qoǵam qaıratkeri Qaıym Muhamedhanovtyń qazaq ǵylymyna qosqan súbeli úlesine toqtalyp, kórmeniń bir aı kelýshilerge qyzmet kórsetindigin atap ótti. Qoja Ahmet Iasaýı atyndaǵy HQTÝ-niń oqytýshysy ǵalym Saparbek Ergóbek Qaıym Muhamedhanovtyń uly aqyn Abaı álemin zertteýdegi janqıarlyq eńbegine aıryqsha toqtaldy.

Kórmeni tamashalaýǵa buqaralyq aqparat quraldary, qalamyzdaǵy Etnopedagogıkalyq kolejdiń stýdentteri men oqytýshylary jáne №1 Ahmet Baıtursynov atyndaǵy qazaq orta mektebiniń oqýshylary qatysyp, taǵylymy mol sharadan áserlenip tarqasty.