Ǵalamtorda aýyl azamatynyń dastarhan basynda Gaýhar Álimbekovanyń «Bir tamshy kózdiń jasyndaı» ánin naqyshyna keltirip oryndaǵany jazylǵan vıdeo jarıalandy, -  dep habarlaıdy «Qamshy» portaly.

Vıdeony Youtube-taǵy «Arǵymaq» arnasyna jarıalaǵan aqyn Meırbek Sultanhan: Naǵyz talanttar aýylda júr degen osy ǵoı. Keshe jolym túsip Jańaqorǵan aýdany, Túgisken degen aýylǵa baryp edim. Aýylda qarapaıym traktorshy bolyp júrgen Asyljan degen aǵamyz eken bul. 9 skorosy bar Belarýs aıdaıtyn Asekeń alty shekti de azynatyp tur. Almatyda qurylysta jasap júrgen kezinde Respýblıka Saraıynda ótken "Naýryz Dýman" atty konsertte óner de kórsetken eken. Óner jolyn túbegeıli qýmasa da, qara jumystan qoly bosaǵanda gıtarasyn jany súıip shertetin Asyljandy tyńdap kórińizder. Saıqymazaq Saılaýbekten tulǵa jasap júrgen saıtsymaqtar, jarıalasańdar osyndaı tasadaǵy talantty jigitterdiń ónerin jarıalańdarshy, - dep pikir qaldyrǵan.